Аль-Ітыгад Джыда

«Аль-Ітыгад» (па-арабску: إتحاد جدة‎) — саудаўскі футбольны клюб з гораду Джыды. Заснаваны ў 1927 годзе. Свае хатнія матчы клюб ладзіць на стадыёне Кароль Абдула Спортс-Сіці, які ёсьць другім у краіне паводле ўмяшчальнасьці, здольны зьмясьціць 62 345 гледачоў^[1]. «Аль-Ітыгад» мае даўняе суперніцтва з «Аль-Гілялем», якое называюць саудаўскім Эль-Клясыка. Яно лічыцца самым вядомым і найбольш прагляданым штогадовым суперніцтвам у саудаўскім футболе^[2].

Аль-Ітыгад
Поўная назва	па-арабску: نادي العميد‎
Заснаваны	4 студзеня 1927
Горад	Джыда, Саудаўская Арабія
Стадыён	Кароль Абдула Спортс-Сіці Умяшчальнасьць: 62 345
Галоўны трэнэр	Сэржыю Кансэйсан[d]
Чэмпіянат	Про-ліга
· 2024—2025	1 месца
Галерэя здымкаў у Вікісховішчы ittihadclub.sa (ар.)

Гісторыя

Клюб быў заснаваны пасьля сустрэчы футбольных аматараў Джыды 26 сьнежня 1927 году^[3]. Яны сустрэліся ў офісе радыёвяшчальнай кампаніі і абмеркавалі ідэю стварэньня футбольнага клюбу, які б спаборнічаў з рознымі камандамі і быў крыніцай забавы для жыхароў і месцам для арганізаванага спорту моладзі^[3]. Алі Султан стаў першым афіцыйным прэзыдэнтам клюбу. «Аль-Ітыгад» спачатку не знайшоў моцнай падтрымкі, бо на той час не існавала афіцыйных клюбу. У канцы 1950-х гадоў была створаная футбольная фэдэрацыя, якая пачала ладзіць афіцыйныя турніры. Усю сваю гісторыю клюб спаборнічаў у найвышэйшым дывізіёне саудаўскага футболу. У сярэдзіне 1990-х гадоў пачаўся залаты век джыдаўскага клюбу, у час якога было здабыта мноства тытулаў. Пачатак новага стагодзьдзя, за часам прэзыдэнцтва Агмэда Масуда, лічыцца адным з самых пасьпяховых пэрыядаў, калі клюб узяў 8 тытулаў цягам 3 гадоў. Гамза Ідрыс забіў беспрэцэдэнтныя 33 галы, рэкордныя для таго часу, што зрабіла яго найлепшым бамбардзірам лігі^[4].