Астана Опэра

Нацыянальны акадэмічны тэатар опэры і балету «Астана Опэра» — тэатар у Астане, збудаваны ў 2010—2013 гадах. Галоўны акадэмічны музычны тэатар Казахстана, заснаваны з ініцыятывы прэзыдэнта Нурсултана Назарбаева. Зьяўляецца асноўнай сцэнаю казахстанскага клясычнага балету.

Нацыянальны акадэмічны тэатр опэры і балета «Астана Опэра»
Асноўныя зьвесткі
Заснаваньне	21 чэрвеня 2013
Будынак тэатру
Сайт	astanaopera.kz

Будынак тэатра прызнаны маладым помнікам архітэктуры нацыянальнага значэньня^[1].

Дом

Будынак быў завершаны за няпоўных тры гады. Будаваньне вялося ў 2010—2013 гадах і абыйшлося ў 320 мільёнаў долараў. Над вонкавым абліччам і інтэр’ерамі тэатра працавала каманда архітэктараў, будаўнікоў і спэцыялістаў з 33 краін. Прэзыдэнт краіны Нурсултан Назарбаеў увесь час уносіў у праект свае карэктывы, у тым ліку, ужо на стадыі практычнага ажыцьцяўленьня. Так, на ягоную прапанову, была павялічана вышыня галоўнага тэатральнага фае. Падлога, сьцены, дэкаратыўныя панэлі і вітыя мармуровыя ўсходы гэтага фае аздобленыя наборным сыцылійскім мармурам.

Трупа

Трупа была сфармавана шляхам конкурснага адбору. Журы, у якое, сярод іншых, уваходзілі прадстаўнікі такіх найбуйных тэатраў, як «Ля Скала», Вялікі і Марыінскі, займалася падборам аркестрантаў, сьпевакоў і танцораў^[2].

Першае прадстаўленьне было дадзена 21 чэрвеня 2013 году выкананьнем опэры Мукана Тулебаева «Біржан і Сара».

Спачатку тэатар функцыянаваў як акцыянэрнае таварыства^[3].

Управа

У канцы 2014 году Нурсултан Назарбаеў памяняў кіраўніка тэатра з Т. Мухамеджанава на Т. Альпіева. У сакавіку 2015 году на пасаду мастацкага кіраўніка балета была запрошана прыма-балерына Марыінскага тэатра Алтынай Асылмуратава, а на пасаду галоўнага дырыгента быў прызначаны Алан Бурыбаеў.

• Дырэктар — Талеўбек Альпіеў
• Мастацкі кіраўнік балета — Алтынай Асылмуратава
• Галоўны дырыжор — Алан Бурыбаеў
• Галоўны балетмайстар — Турсынбек Нураліеў
• Галоўны хормайстар — Ержан Давутаў