Барбарысавыя

Барбарысавыя (Berberidaceae) — сямейства кветкавых расьлінаў, якое зьмяшчае 14 родаў і каля 700 відаў^[1].

Барбарысавыя
Барбарыс звычайны (Berberis vulgaris) — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Казяльцовакветныя (Ranunculales)
Сямейства	Барбарысавыя
Бінамінальная намэнклятура
Berberidaceae Juss.
Барбарысавыя на Віківідах  Барбарысавыя ў Вікісховішчы ITIS 18811 ·

Апісаньне

Травы шматгадовыя або хмызьнякі, рэдка невялікія дрэвы. Сьцеблы з шыпамі або бязь іх. Лісьце чарговае, супратыўнае або прыкаранёвае, простае. Кветкі ў суквецьці. Чашалісьцікаў 6–9. Пялёсткаў 6. Тычачак 6. Плод — ягада, каробачка, лісьцянка, сямянка. Насеньне ад 1 да шматлікіх^[2].

Арэал

Распаўсюджаныя перш за ўсё ў паўночнай умеранай зоне і на субтрапічных гарах^[2].