Белавежа (культурнае таварыства)

Беларускае культурнае таварыства «Белавежа»^[1] ў Аргентыне. Існавала ў 1939—1949 гг.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Белавежа (неадназначнасьць).

Аб’ядноўвала каля 400 беларусаў-эмігрантаў (1942 г.). Пры таварыстве дзейнічалі жаночая і маладзёжная сэкцыі, драматычны гурток, бібліятэка-чытальня (больш за 1000 тамоў). У траўні 1939 г. увайшло ў Фэдэрацыю беларускіх арганізацый у Аргентыне і разам зь ёй у 1941 г. далучылася да Славянскага саюзу Аргентыны — аб’яднаньня прасавецкай, пракамуністычнай арыентацыі.

З 1945 г. называлася Беларускае таварыства Я. Коласа. Дзейнасьць таварыства забаронена пасьля асуджэньня аргентынскімі ўладамі Славянскага саюзу як антыдзяржаўнай арганізацыі.