Борнмут

Борнмут (па-ангельску: Bournemouth) — прыбярэжны курортны горад на паўднёвым узьбярэжжы Ангельшчыны. Паводле перапісу 2011 году ў горадзе пражывала больш за 183 тысячы чалавек, што робіць яго самым буйным у адміністрацыйнай акрузе Дорсэт. Разам з Пулам на захадзе і Крайстчэрчам на ўсходзе, Борнмут зьяўляецца часткай паўднёва-ўсходняй аглямэрацыі Дорсэта, у якой пражываюць 465 тысяч чалавек.

Борнмут
Герб Борнмуту
Дата заснаваньня:	1810
Краіна:	Вялікабрытанія
Плошча:	46,18 км²
Насельніцтва:	187 503 чал. (2011)[1][2]
Тэлефонны код:	01202
Геаграфічныя каардынаты:	50°43′12″ пн. ш. 1°52′48″ з. д.
Борнмут на мапе Вялікабрытаніі Борнмут
Галерэя здымкаў у Вікісховішчы
http://www.bournemouth.gov.uk

Гісторыя

Да таго, як у 1810 годзе горад быў заснавы Льюісам Трэганўэлам, гэты раён быў пустэчай, якую часам наведвалі рыбакі і кантрабандысты. Першапачаткова ўзьведзены як здраўніца, горад атрымаў штуршок, калі зьявіўся ў кнізе Аўгуста Гранўіла 1841 году «Ангельскія курорты»^[3]. Рост Борнмута паскорыўся з пабудовай чыгункі, і ён стаў горадам у 1870 годзе. Частка гістарычнага графства Гэмпшыр, Борнмут далучыўся да Дорсэта ў адміністрацыйных мэтах пасьля рэарганізацыі мясцовага самакіраваньня ў 1974 годзе. Празь зьмены мясцовага самакіраваньня ў 1997 годзе горад пачаў кіравацца ўнітарнай уладай, незалежнай ад Рады графства Дорсэт, аднак ён пакуль і застаецца часткай гэтага цырыманіяльнага графства. З красавіка 2019 году ўнітарная ўлада была аб’яднаная з уладай суседніх местаў Пул і Крайстчэрч, каб утварыць унітарную раду аб’яднаных местаў.