Бэйтар Ерусалім

«Бэйтар» — ізраільскі футбольны клюб з гораду Ерусаліму. Заснаваны ў 1936 годзе. Шасьціразовы чэмпіён Ізраілю, васьміразовы ўладальнік Кубка Ізраілю. Клюб ёсьць адным з самых папулярных у Ізраілі і ўваходзіць у лік ізраільскіх клюбаў з найбольшай колькасьцю заўзятараў у краіне. Быў заснаваны ў 1936 годзе Шмуэлем Кірштэйнам і Давідам Горнам, якія ачолілі аддзел «Бэйтару» у Ерусаліме. Некалькі сябраў каманды таксама ўваходзілі ў склад забароненых апалчэньняў Іргун і Легі, цесна зьвязаных з правым рэвізіянісцкім сіянісцкім рухам^[2][3]. Заўзятары «Бэйтару» неафіцыйна павязаныя з рэвізіянісцкім сіянісцкім рухам і правай партыяй Лікуд^[2]. Клюб, чыя фанацкая база вядомая сваім антыарабскім расізмам і антымусульманскай рэлігійнай нецярпімасьцю^[4][5][6], застаецца адзіным у Прэм’ер-лізе, які аніколі не падпісваў кантрактаў з арабскімі гульцамі^[7][8], але ў мінулым за клюб выступалі неарабскія мусульмане^[9].

Бэйтар Ерусалім
Поўная назва	מועדון כדורגל בית"ר ירושלים
Заснаваны	1936
Горад	Ерусалім, Ізраіль
Стадыён	Тэдзі Умяшчальнасьць: 31 733
Кіраўнік	Машэ Гагег[d]
Галоўны трэнэр	Барак Іцгакі[d][1]
Чэмпіянат	Прэм’ер-ліга
· 2024—2025	4 месца
Галерэя здымкаў у Вікісховішчы Афіцыйны сайт