Вацлаў Шэмет

Вацлаў Шэмет (? — 13 красавіка 1599) — дзяржаўны дзяяч Вялікага Княства Літоўскага. Кашталян полацкі (1588—1597) і смаленскі (з 1597).

Вацлаў Шэмет

Герб «Лебедзь»
Асабістыя зьвесткі
Памёр	13 красавіка 1599
Род	Шэметы
Бацькі	Мальхер Шэмет Альжбета з Глябовічаў
Жонка	Альжбета з Хадкевічаў
Дзеці	Крыштап Вацлаў, Юры, Ганна, Альжбета

Трымаў Расейскую і Скірстымонкую дзяржавы (1575).

Біяграфія

Прадстаўнік шляхецкага роду Шэметаў гербу «Лебедзь», сын Мальхера, кашталяна жамойцкага, і Альжбеты з Глябовічаў.

Вызнаваў кальвінізм. У 1582 атрымаў урад падкаморага жамойцкага^[1].

Ажаніўся з Альжбетай, дачкой кашталяна троцкага Юрыя Хадкевіча. У шлюбе меў сыноў Крыштапа Вацлава і Юрыя, а таксама дачок Ганну (жонка Крыштапа Кіршэнштэйна), Альжбету (жонка Пятра Паца) і невядомую (жонка Аляксандра Агінскага).