Воін

Воін, Воінь^[1] (1296 — да 1338) — князь полацкі.

Воін
Князь полацкі
1320-я — 1333 або 1334
Наступнік	Нарымонт
Асабістыя зьвесткі
Нарадзіўся	не пазьней за 1295
Памёр	1334
Дынастыя	Гедзімінавічы

Жыцьцяпіс

Паводле Раўданскага рукапісу, Воін нарадзіўся ў 1296 годзе і быў другім сынам Віценя ад другой жонкі. Адпаведна, Воін быў братам Гедзіміна^[1]. Упершыню ўпамінаецца як полацкі князь («брат Гедиминовъ князя Литовьского Воини Полотскый князь») у 1326 годзе, калі разам зь менскім князем Васілём на чале пасольства Гедзіміна езьдзіў у Ноўгарад дзеля складаньня мірнай дамовы з Ноўгародзкай зямлёй і Лівонскім ордэнам.

Магчыма загінуў у час выправаў лівонскіх крыжакоў на Полацак у 1333—1334 гадох, бо ў 1338 годзе як полацкі князь упамінаецца ўжо Нарымонт Гедзімінавіч.

Меў сына Любку, які загінуў у 1342 годзе ў змаганьні зь немцамі на Пскоўшчыне, калі хадзіў на дапамогу псковічам у войску Альгерда і Кейстута^[1].