Дэльта Банк

Закрытае акцыянэрнае таварыства «Дэ́льта Банк» — колішні камэрцыйны банк у Рэспубліцы Беларусь, заснаваны ў 2001 року пад назваю «Атам-Банк». У 2015 спыніў сваё існаваньне праз фінансавыя праблемы галоўнага акцыянэра — уласьніка ўкраінскага «Дэльта Банку» Мікалая Лагуна^[3].

Дэльта Банк
Тып	ЗАТ
Заснаваная	2001 (як «Атам-Банк») 2007 (перайменаваны ў «Дэльта-Банк»)
Краіна	Беларусь
Разьмяшчэньне	Менск, вул. Р. Люксэмбург, 95
Ключавыя фігуры	Аляксандар Філіповіч[1]
Галіна	банкаўская сфэра
Прадукцыя	банкаўскія паслугі
Лік супрацоўнікаў	1400 (на 1 студзеня 2015[2])
Матчына кампанія	АТ «Дэльта Банк» (Украіна)[2]
www.deltabank.by

Аддзяленьне «Дэльта Банку» ў Менску

Рэквізыты

Месцазнаходжаньне: Менск, вул. Р. Люксэмбург, 95.

S.W.I.F.T. ATOM BY 2X.

Тэлекс 252 025 ATOM BY^[4].

Мінуўшчына

Зарэгістраваны 25 студзеня 2001 року^[5] пад назваю ЗАТ «Атам-Банк» у СЭЗ «Менск»^[6]. У 2007 року кантрольны пакет акцыяў выкупіў уласьнік украінскага «Дэльта Банку» Мікалай Лагун. 29 жніўня 2007 «Атам-Банк» перайменаваны ў «Дэльта Банк»^[7].

Пасьля банкруцтва ўкраінскага «Дэльта Банку» Нацыянальны банк Рэспублікі Беларусь 12 сакавіка 2015 року ўвёў часовую адміністрацыю, прыпыніўшы паўнамоцтвы праўленьня банку^[8]. 18 сакавіка ліцэнзія на вядзеньне банкаўскай дзейнасьці была адкліканая, вяртаньне банкаўскіх унёскаў (дэпазытаў) ускладзенае на Агенцтва гарантаванай кампэнсацыі банкаўскіх унёскаў^[3].

21 жніўня 2015 року Вярхоўны суд Беларусі прызнаў банк банкрутам^[9].