Пасьлёнавыя

Пасьлёнавыя (Solanaceae) — сямейства кветкавых расьлінаў, якое зьмяшчае каля 100 родаў і 2600 відаў^[1].

Пасьлёнавыя
Паслён чорны (Solanum nigrum) — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Пасьлёнакветныя (Solanales)
Сямейства	Пасьлёнавыя
Бінамінальная намэнклятура
Solanaceae Juss.
Пасьлёнавыя на Віківідах  Пасьлёнавыя ў Вікісховішчы ITIS 30411 ·

Апісаньне

Прадстаўнікі гэтага сямейства — травы, хмызьнякі, невялікія дрэвы, зрэдку ліяны. Лісьце чарговае, адзінкавае або парнае, простае або складанае; прылісткі адсутнічаюць; ліставая пласьцінка цэлая, зубчастая, лопасьцевая або падзеленая. Кветкі ў суквецьці альбо адзіночныя; чашачкі і венца 5, радзей 4 ці 6–9-часткавыя; тычачак столькі, колькі частак венца. Плод — ягада або каробачка, зрэдку касьцянка (Duckeodendron, Goetzea, Espadaea, Henoonia). Насеньне звычайна шматлікае, зрэдку адзінкавае^[2][3][4].

Арэал

Распаўсюджаныя амаль ва ўсім сьвеце, але пераважна ў трапічнай Амэрыкі^[2][3][4].