Раскіданае гняздо (спэктакль, Нацыянальны тэатар імя Якуба Коласа)

«Раскіданае гняздо» — спэктакль, пастаўлены ў Нацыянальным акадэмічным драматычным тэатры імя Якуба Коласа па аднайменнай п'есе Янкі Купалы. Прэм'ера адбылася 13 сьнежня 1951 году. Спэктакль быў з посьпехам паказаны ў 1955 годзе ў Маскве на дэкадзе беларускага мастацтва і літаратуры, а пасьля ў шматлікіх гарадох СССР.^[1]

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Раскіданае гняздо (неадназначнасьць).

«Раскіданае гняздо»
Сцэна са спэктаклю
Жанр	трагэдыя ў 2-х дзеях
Паводле	п'есы Я.Купалы «Раскіданае гняздо»
Краіна	Беларусь
Мова	беларуская
Год прэм’еры	13 сьнежня 1951
Пастаноўкі	Нацыянальны тэатар імя Якуба Коласа

Асаблівасьці пастаноўкі

Пры пастаноўцы п'есы былі зробленыя асобныя купюры ў тэксьце, уведзеныя песьні на словы Я. Купалы. Твор вырашаўся як гераічная народная драма, жыцьцёвы верагодная па сцэнічных вобразах (Незнаёмы — піцерскі рабочы і інш.) і дэталях пастаноўкі, з псыхалягічным абгрунтаваньнем і падрабязнай распрацоўкай паводзінаў і ўчынкаў пэрсанажаў.^[1]