Сапоцкінскі лямус

Сапоцкінскі лямус — помнік традыцыйнай беларускай драўлянай архітэктуры XVIII ст. у Сапоцкіне. Знаходзіўся ў сядзібе каля мястэчка. Існаваў да XX ст.

Помнік грамадзянскай архітэктуры
Сапоцкінскі лямус
Сапоцкінскі лямус
Краіна	Беларусь
Мястэчка	Сапоцкін

Гісторыя

Лямус, 1878 г.

Драўляны лямус у Сапоцкіне збудавалі ў XVIII ст. Будынак меў гаспадарчае прызначэньне.

Архітэктура

Помнік традыцыйнай беларускай драўлянай архітэктуры. Гэта быў квадратны ў пляне 3-ярусны будынак, 1-ы й 2-і ярусы мелі аднолькавыя памеры ў пляне. Пэрымэтрам праходзіла галерэя (у 1-м ярусе на масіўных мураваных, у 2-м — на драўляных слупах, з балюстрадай). 2-і ярус завяршаўся гонтавым 4-схільным усечаным дахам, над ім знаходзіўся 3-і ярус меншых памераў, накрыты гонтавым шатром з мэталічным флюгерам-сьцягам. Сьцены праразаліся прастакутнымі аконнымі праёмамі. Уваходы ў памяшканьні мелі галерэі, паверхі злучаліся вонкавымі ўсходамі^[1].