Скандэрбэг

Гео́ргі Кастрыё́ці (па-альбанску: Gjergj Kastrioti), больш вядомы як Скандэрбэг (альб. Skënderbeu) — альбанскі арыстакрат, княжа Кастрыёці, нацыянальны герой Альбаніі, правадыр альбанскага паўстаньня супраць улады Асманскай імпэрыі.

Скандэрбэг
Партрэт Скандэбэга, які захоўваецца ў галерэі Ўфіцы ў Флярэнцыі
гаспадар Кастрыёці
28 лістапада 1443 — 17 студзеня 1468
Асабістыя зьвесткі
Імя пры нараджэньні	Георгі Кастрыёці
Нарадзіўся	6 траўня 1405(1405-05-06), Sinë[d], Principality of Kastrioti[d]
Памёр	17 студзеня 1468(1468-01-17)[1][2][3] (62 гады), Лежа, Вэнэцыянская рэспубліка
Пахаваны	Лежа Мячэць Селіміе[d]
Нашчадкі	Ян II Кастрыёці
Дынастыя	Кастрыёці
Жонка	Доніка Кастрыёці
Бацька	Ян I Кастрыёці
Узнагароды	Athleta Christi[d]
Подпіс

Біяграфія

Нарадзіўся ў 1405 годзе ў сям’і князя Яна I Кастрыёці. У 1423 годзе быў адвезены ў Асманскую імпэрыю ў якасьці ганаровага закладніка, дзе навярнуўся ў іслам. Служыў у асманскім войску, атрымаў афіцэрскае званьне. Дзякуючы мужнасьці атрымаў ад туркаў прозьвішча Іскандэр-бэй, у гонар Аляксандра Македонскага. Гэтая мянушка на альбанскі лад «Скандэрбэг» і захавалася за Георгіем. У 1443 годзе дэзэртаваў з асманскага войска і ўцёк да хаты ў Альбанію, дзе вярнуўся да хрысьціянства і ўзначаліў барацьбу з асманамі. 25 гадоў Скандэрбэг пасьпяхова ўтрымліваў сваю радзіму ад захопу Асманскай імпэрыяй.