Уладзікаўказ

Уладзікаўка́з (па-асэтынску: Дзæуджыхъæу — «селішча Дзаўга») — горад на поўдні Расеі, ў цэнтральнай частцы Паўночнага Каўказу, сталіца Рэспублікі Паўночная Асэтыя-Аланія. У савецкі пэрыяд горад называўся Арджанікідзэ (1931—1944, 1954—1990) ды Дзаўджыка́ў (1944—1954). Горад месьціцца паабапал ракі Церак, за 30 км ад Дар'яльскае цясьніны.

Уладзікаўказ
Дата заснаваньня:	1784
Былая назва:	да 1931 — Уладзікаўказ да 1944 — Арджанікідзэ да 1954 — Дзаўджыкаў да 1990 — Арджанікідзэ
Краіна:	Расея
Суб’ект фэдэрацыі:	Паўночная Асэтыя
Кіраўнік:	Барыс Албегаў[d][1]
Плошча:	291 км²
Вышыня:	692 м н. у. м.
Насельніцтва:	▼303 597 чал. (2020)[2]
Тэлефонны код:	8672
Паштовы індэкс:	362000–362999
Геаграфічныя каардынаты:	43°2′24″ пн. ш. 44°40′39″ у. д.
Уладзікаўказ на мапе Расеі Уладзікаўказ
Галерэя здымкаў у Вікісховішчы
http://www.vladikavkaz-osetia.ru/

З 8 кастрычніка 2007 году горад носіць ганаровае званьне «Горад воінскай славы».

Горад Уладзікаўказ зьяўляецца цэнтрам гарадзкой акругі. Горад уключае 4 раёны: Прамысловы ("Промышленный"), Паўночна-Заходні ("Северо-Западный"), Ірыстонскі ("Иристонский"), Зацерачны ("Затеречный"), мікрараёны Карца ды Рэдант. Акрамя іх, у склад гарадзкой акругі ўваходзяць сёлы Балта, Чмы, Эзьмі, Ніжні Ларс, Верхні Ларс, паселішчы Паўднёвы ("Южный"), Завадзкі.

Гісторыя

Горад заснаваны ў 1784 годзе як расейская фартэцыя на ўваходзе ў Дар’яльскую цясьніну ў сувязі з падпісаньнем Георгіеўскага трактату між Расейскае імпэрыяй і Грузіяй ды пачаткам будаўніцтва Ваенна-грузінскай дарогі. Паселішча набывае статус гораду з 1861 году.