Энэргетычны напой

Энэргеты́чны напо́й — кафэіназьмяшчальны напой, распрацаваны ў 1980-я гады Дытрыхам Матэшыцам дзеля павелічэньня працаздольнасьці чалавека шляхам павышэньня засяроджаньня ўвагі. Зьмяшчае таксама цукар, вітаміны і 2 вытворныя амінакісьлі — таўрын і карніцін, што бяруць удзел у энэргетычным абмене. Пляшка напою зьмяшчае 116 міліграмаў кафэіну, кубак жа зробленай у кававарцы кавы — 65—125 мг. У 1984 годзе стваральнік напою заснаваў прадпрыемства «Рэд Бул» (па-ангельску: Red Bull — «чырвоны бык»; Фушль-ам-Зээ, зямля Зальцбург, Аўстрыя).

Пляшка фінскага напою

Шкоднасьць

Шкодзіць здароўю ў спалучэньні зь сьпіртам. Бяз шкоды здароўю дапушчаецца ўжытак 2 порцыяў напою ў суткі. Цалкам супрацьпаказаны дзецям, цяжарным жанчынам, таксама пры разладзе сну і хваробах сэрца, язьве і гастрыце^[1].