Ям-Запольскі мір

Ям-Запо́льскі мір — мірная дамова паміж Рэччу Паспалітай і Маскоўскай дзяржавай, заключаная 15 студзеня [ст. ст. 6 студзеня] 1582 у вёсцы Ківеравай Гары (за 15 верстаў ад Запольскага Яму пад Псковам, адсюль назва). Адзін з дыпляматычных актаў, які завяршаў Лівонскую вайну 1558—1583 рокаў.

Ям-Запольскі мір
У выніку Ям-Запольскага замірэньня тэрыторыі, пазначаныя аранжавым колерам, перайшлі ад Маскоўскага княства да Рэчы Паспалітай
Тып дамовы	мірнае пагадненьне
Падпісаная	6 студзеня 1582 (443 гады таму)
·  месца	Ківерава Гара
Тэрмін дзеяньня	10 гадоў
Бакі	Рэч Паспалітая Маскоўская дзяржава

Замірэньне падпісанае на 10 гадоў пасламі Івана Грознага і Стэфана Баторыя пры пасярэдніцтве Папы рымскага Урбана VII^[1]. Важкую ролю ва ўкладаньні ўгоды адыграў папскі легат Антоніё Пасэвіна.

Паводле ўмоваў міру, у абмен на адмову ад захопленых Іванам Грозным Лівоніі і Полацку Маскоўская дзяржава атрымала назад Вялікія Лукі й іншыя землі, захопленыя Стэфанам Баторыем у ходзе вайны. Мір паміж дзяржавамі цягнуўся да самага пачатку вайны 1609—1618 рокаў.