тып вуліцы From Wikipedia, the free encyclopedia
Бульва́р (па-француску: boulevard, ад па-нідэрляндзку: bolwerk — «абарончы мур») — паласа дрэвавых або кустовых насаджэньняў уздоўж гарадзкіх вуліцаў, праспэктаў і набярэжных. Як форма зялёных насаджэньняў бульвары зьявіліся ў гарадах Заходняй Эўропы ў XVII—XVIII стагодзьдзях. Прызначаюцца для дэкаратыўнага ўпрыгожваньня вуліцаў і паляпшэньня іх санітарна-гігіенічнага стану, аховы будынкаў ад пылу, газу і шуму, рэгуляваньня руху транспарту і пешаходаў. Ствараюцца пераважна ў буйных гарадах і прамысловых цэнтрах.
Бываюць бульвары закрытыя (для транспартных патокаў) і адкрытыя (для пешаходаў), разьмяшчаюцца абапал ці на адным (пры недастатковай шырыні) баку вуліцы. Для стварэньня бульвараў выкарыстоўваюцца прысадныя і групавыя пасадкі дрэваў, жывыя агароджы, кусты і кветнікі. Найбольш прыдатныя для бульвараў газаўстойлівыя, са шчыльнай кронай дрэвавыя і кустовыя расьліны (каштан, ліпа, бяроза бародаўчатая, ільм шурпаты, акацыя жоўтая).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.