![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1a/Old_city_of_Maskat.jpg/640px-Old_city_of_Maskat.jpg&w=640&q=50)
Маскат
From Wikipedia, the free encyclopedia
Маска́т (па-арабску: مسقط) — сталіца і найбуйнейшы горад Аману. Насельніцтва гораду поруч з прадмесьцямі налічвае блізу 1,45 мільёнаў чалавек паводле зьвестак на кастрычнік 2023 году[2]. Вядомы з пачатку I стагодзьдзя нашай эры як важны гандлёвы порт паміж захадам і ўсходам. Маскат кіраваўся рознымі мясцовымі плямёнамі, а таксама замежнымі дзяржавамі, як то Сасанідзкай, Партугальскай і Асманскай імпэрыямі ў розныя моманты сваёй гісторыі. У XVIII стагодзьдзі ўплыў гораду значна пашырыўся да Ўсходняе Афрыкі і Занзыбару. Як важны порт ў Аманскай затоцы Маскат заўжды прыцягваў замежных гандляроў і пасяленцаў, такіх як пэрсы, бэлуджы і сындгі. З пачаткам укаранаваньня султана Кабуса бэн Саіда ў 1970 годзе, Маскат перажыў хуткае разьвіцьцё інфраструктуры, што прывяло да росквіту эканомікі і будаўніцтва шматнацыянальнага грамадзтва. Маскат характарызуецца як бэта-горад у сыстэме глябалізацыі паводле некаторых дасьледваньняў[3].
Маскат | |
![]() | |
Краіна: | Аман |
Плошча: |
|
Насельніцтва: | |
Геаграфічныя каардынаты: | 23°36′50″ пн. ш. 58°35′32″ у. д. |
Маскат на мапе Аману ![]() ![]() Маскат | |
![]() | |
http://www.mm.gov.om/ |
![Thumb image](http://upload.wikimedia.org/wikipedia/commons/thumb/6/6f/Central_Business_District%2C_Muscat%2C_Oman.jpg/640px-Central_Business_District%2C_Muscat%2C_Oman.jpg)
Горы Гаджар дамінуюць над Маскатам. Сам горад месьціцца на Арабскім моры ўздоўж Аманскай затокі ў непасрэднай блізкасці ад стратэгічнай Армускай пратокі. Ляндшафт гораду фармуюць невысокія белыя будынкі, але порт на паўночна-ўсходнім ускрайку гораду мае іншую архітэктуру. У эканоміцы Маската пераважаюць гандаль, нафта, звадкаваны прыродны газ і портавыя паслугі.