Абенсберг

Абенсберг (ням. Abensberg) — горад у акрузе Кельхайм у Ніжняй Баварыі.

Горад Абенсберг Abensberg Герб Краіна  Германія Зямля Баварыя Каардынаты 48°48′ пн. ш. 11°51′ у. д.HGЯO Кіраўнік Uwe Brandl[d] Плошча 60,28 км² Вышыня цэнтра 370 м Водныя аб’екты Абенс[d] Насельніцтва 14 532 чалавек (2006) Часавы пояс UTC+1, летам UTC+2 Тэлефонны код 09443 Паштовы індэкс 93326 Аўтамабільны код KEH Афіцыйны сайт abensberg.de (ням.) Абенсберг на карце Германіі ±

Медыяфайлы на Вікісховішчы

Размешчаны на рацэ Абенс, адным з прытокаў Дуная, на чыгуначнай лініі Інгальштат — Рэгенсбург; са старажытным замкам (былое месцазнаходжанне графаў Абенсбергаў).

Каля горада выяўлены рэшткі паселішчаў эпохі неаліту. Некаторыя гісторыкі лічылі, што Абенсберг — старажытнарымская Abusina Castra, або Abusinum, бо ў ім захаваліся сляды рымскага лагера. Самае ранняе пісьмовае згадванне аб пасяленні адносіцца да 1138 г. Атрымаў гарадскія правы каля 1400 г., замак быў разбураны падчас Трыццацігадовай вайны.

Пры Абенсберге Напалеон I у 1809 г. разбіў левае крыло аўстрыйскай арміі эрцгерцага Карла пад камандаваннем эрцгерцага Людвіга і генерала Гілера.

Горад з'яўляецца цэнтрам вырошчвання спаржы і хмелю. Дзейнічаюць 3 прыватныя бровары.

У Абенсбергу нарадзіўся баварскі гісторык Ёган Георг Турмайр, які ўзяў сабе псеўданім Aventinus, у гонар якога ў горадзе ў 1861 г. быў узведзены помнік.

Курорт з мінеральнымі ваннамі (з 1871 г.). Лячэнне рэўматызму і падагры. Працуе Гарадскі музей.