Давід Джошуа Азрыэлі
From Wikipedia, the free encyclopedia
From Wikipedia, the free encyclopedia
Давід Джошуа Азрыэлі (англ.: David Joshua Azrieli, іўр.: דוד עזריאלי; 10 мая 1922, Макаў — 9 ліпеня 2014) — канадскі і ізраільскі архітэктар, будаўнік, забудоўшчык і філантроп.
| Давід Джошуа Азрыэлі | |
|---|---|
 | |
| Дата нараджэння | 10 мая 1922[1] |
| Месца нараджэння | |
| Дата смерці | 9 ліпеня 2014[1] (92 гады) |
| Месца смерці | |
| Месца пахавання | |
| Грамадзянства | |
| Дзеці | Sharon Azrieli[d] і Naomi Sara Azrieli[d] |
| Альма-матар | |
| Узнагароды |
  |
 Медыяфайлы на Вікісховішчы | |
Давід Азрылевіч нарадзіўся ў Польшчы, у яўрэйскай сям’і.
Падчас Другой сусветнай вайны яго бацькі загінулі ў лагерах смерці, але яму ўдалося бегчы ў СССР. Ва Узбекістане ён уступіў у армію Андэрса, служыў у Іране, адкуль, прыкінуўшыся глуханямым арабам, перабраўся ў Ірак, а затым, з дапамогай Мошэ Даяна і Энца Серэні, у 1942 годзе быў перапраўлены ў падмандатную Палесціну разам з грузам зброі[3][4][5]. Вывучаў архітэктуру ў Хайфскім Тэхніёне ў 1943—1946 гадах. У гэтыя гады ён даведаўся, што пасля вайны з усёй яго сям’і ў жывых застаўся толькі яго брат. Ваяваў у араба-ізраільскай вайне ў 1948 годзе, быў паранены ў баях за Латрун і прарыў блакады абложанага Іерусаліма[6].
Іміграваў у Манрэаль, Канада, у 1954 годзе, і заснаваў там сваю будаўнічую фірму. Праектаваў спачатку невялікія жыллёвыя дуплексы, затым перайшоў да будаўніцтва шматпавярховых жылых дамоў, і канчаткова — гандлёвых цэнтраў. Ва ўзросце 75 гадоў атрымаў дыплом архітэктара ва ўніверсітэце Carleton. Праектаваў і будаваў гандлёвыя цэнтры, вышынныя офісы і жылыя будынкі ў Канадзе, ЗША, і Ізраілі.
Філантрапічная дзейнасць Азрыэлі ажыццяўляецца з дапамогай «Фонду Азрыэлі», заснаванага ў 1989 годзе[6]. Фонд падтрымлівае шырокі спектр ініцыятыў і праграм у галіне адукацыі, архітэктуры, мастацтва, даследавання Халакосту, навуковых і медыцынскіх даследаванняў. У рамках праграмы Яўрэйскага нацыянальнага фонду па азеляненні і развіцці Негева ў лютым 2014 года адкрыўся парк Азрыэлі ў Сдэроце, які быў створаны дзякуючы ахвяраванням фонду. Давід Азрыэлі прысутнічаў на адкрыцці парку і выказаў упэўненасць у тым, што парк стане выдатным месцам адпачынку для жыхароў горада [7].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
