Джахор-Бару

Джахор-Бару (малайск.: Johor Bahru) — горад у Малайзіі, сталіца султанату Джахор на поўдні паўвострава Малака. Гэта другі па насельніцтве горад краіны пасля сталіцы Куала-Лумпур. Насельніцтва — 876 033 чалавек (2006). Важны прамысловы, гандлёвы, культурны і турысцкі цэнтр. У Джахор прыязджае 60 % замежных турыстаў Малайзіі, якія праходзяць цераз масты ў суседні Сінгапур. Джахор-Бару — самы паўднёвы горад у кантынентальнай Азіі. Джахор-Бару аддзелены ад Сінгапура Джахорскім пралівам, праз які пракладзены мост і дамба. Горад, асабліва яго паўднёвая частка, часта пакутуе ад паводак.

Джахор-Бару малайск.: Johor Bahru Герб Сцяг Краіна  Малайзія[1] Каардынаты 1°27′20″ пн. ш. 103°45′40″ у. д.HGЯO Заснаваны 1855[2] Плошча 373,18 км²[3] Вышыня цэнтра 32 ± 1 м Водныя аб’екты Straits of Johor[d] Насельніцтва ▲797 882 чал. (2017)[3] Часавы пояс UTC+8 і WPM[d] Тэлефонны код 7 Паштовыя індэксы 79xxx — 81xxx Аўтамабільны код J Афіцыйны сайт mbjb.gov.my Джахор-Бару на карце Малайзіі

Медыяфайлы на Вікісховішчы

Гісторыя

Заснаваны ў 1855 годзе Тэменгунгам Даенг Ібрагімам, бацькам султана Абу Бакара, аднаго з самых знакамітых малайскіх султанаў. Горад называўся Танджунг-Путэры, утварыўся на месцы невялікай малайскай рыбацкай вёскі. Султан Абу Бакар змяніў назву горада на Джахор-Бару і абвясціў яго сталіцай свайго султаната ў 1866 годзе, пакінуўшы сваю сталіцу ў Тэлук-Беланга на тэрыторыі Сінгапура.

Зноскі

1. https://www.theedgemarkets.com/article/ekovest-confirms-talks-potential-takeover-rts-link-project Праверана 1 чэрвеня 2022.
2. https://malaysiagazette.com/2022/04/20/mengindahkan-johor-bahru-kota-tanggapan-pertama-di-selatan-negara/ Праверана 1 чэрвеня 2022.
3. https://www.mbjb.gov.my/sites/default/files/buku_info_mbjb/isi_info_mbjb_malay_color1.pdf Праверана 8 сакавіка 2021.