Дзяржпрам
From Wikipedia, the free encyclopedia
From Wikipedia, the free encyclopedia
Дом дзяржаўнай прамысловасці (Дзяржпрам)[1][2] (укр.: Держпром) — першы савецкі 13-павярховы небаскроб, помнік архітэктуры ў стылі канструктывізму, адна з трох харкаўскіх высотак, пабудаваная на працягу 1926—1928 гадоў.
вышынны будынак | |
Дзяржпрам (Дом Дзяржаўнай прамысловасці) | |
---|---|
укр.: Держпром (Будинок Державної промисловості) | |
50°00′24″ пн. ш. 36°13′37,50″ у. д.HGЯO | |
Краіна | Украіна |
Горад | Харкаў |
Тып будынка | жалезабетонны небаскроб |
Архітэктурны стыль | канструктывізм |
Будаўнік | П. П. Роттерт |
Архітэктар |
С. С. Серафімаў, С. М. Кравец, М. Д. Фельгер |
Заснавальнік | Ф. Э. Дзяржынскі |
Дата заснавання | 1925 |
Будаўніцтва | 21.11.1926 — 7.11.1928 |
Асноўныя даты | |
2004 — ' |
|
Вядомыя жыхары | М. А. Скрыпнік |
Статус | ахоўваецца дзяржавай |
Вышыня | 108 м |
Стан | эксплуатуецца, рамонтна-рэстаўрацыйныя працы 2003—2010 |
Медыяфайлы на Вікісховішчы |
Будынку, які ўвасобіў у сабе будаўнічыя дасягненні УССР, далі назву «Дом дзяржаўнай прамысловасці» — гэтым словазлучэннем быў падкрэслены дэвіз індустрыяльнай краіны.
Будынак быў пабудаваны ў рэкордна кароткі тэрмін — падрыхтоўчыя працы пачаліся летам 1925 года, а здача ў эксплуатацыю адбылася 7 лістапада 1928 года, да адзінаццатай гадавіны Кастрычніцкай рэвалюцыі. Вясной 1926 года будоўлю вырашана было закрыць, аднак пасля асабістага ўмяшальніцтва Фелікса Дзяржынскага, які наведаў будоўлю 8 мая 1926 года, будаўніцтва працягнулася. На ўрачыстай закладцы цэнтральнага корпуса, якая адбылася 21 лістапада 1926 года, будынку прысвоілі яго імя.
Пасля пабудовы, з 1928 па 1934 гады, у будынку размяшчаўся Савет Народных Камісараў Украіны.
Падчас нямецкай акупацыі ў 1941—43 гадах на першым паверсе была ўладкавана канюшня, на іншых паверхах у пачатку акупацыі жылі малпы, якія ўцяклі з размешчанага побач з будынкам заапарку. Да 23 жніўня 1943 года ў Дзяржпраме дажылі тры макакі, якім на 65-ю гадавіну вызвалення горада, у жніўні 2008 года, быў адкрыты помнік на тэрыторыі заапарку.
Пасля вайны ў 1944—1947 гадах будынак быў адноўлены.
У 1955 годзе на даху была ўсталявана адна з першых у СССР тэлевізійных вышак вышынёй 45 м.
У 2004 годзе, да 350-годдзя Харкава была распачата рэканструкцыя Дзяржпрама — яна заняла нашмат больш часу, чым увесь перыяд будаўніцтва Дзяржпрама прымітыўнымі метадамі ў 1920-х гадах, і дагэтуль застаецца не завершанай[3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.