![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/M32.jpg/640px-M32.jpg&w=640&q=50)
Кампактная галактыка
From Wikipedia, the free encyclopedia
Кампактная галактыка — далёкая галактыка, якая на зорным небе падобная да звычайнай зоркі. Гэты аб'ект з высокай яркасцю паверхні, які мае вялікае чырвонае зрушэнне, што сведчыць аб значной адлегласці да яго. Найбуйнейшыя галактыкі з-за сваёй яркасці могуць перавышаць у сотні разоў яркасць галактык, маючы блакітны колер. У большасці з іх выяўлена радыёвыпраменьванне не цеплавога паходжання. Паводле тэорыі астранома І. Шклоўскага, такое выпраменьванне ўзнікае пасля тармажэння ў магнітным полі электронаў і больш цяжкіх зараджаных часціц. Гэтыя часціцы павінны рухацца са хуткасцямі, блізкімі да хуткасці святла. Такія хуткасці развіваюцца ў выніку значных выбухаў у галактыцы.
![Thumb image](http://upload.wikimedia.org/wikipedia/commons/thumb/5/5d/M32.jpg/320px-M32.jpg)
Група навукоўцаў Францыі, ЗША і Чылі апублікавала ў часопісе «The Astrophysical Journal» за студзень 2001 г вынікі даследаванняў, зыходзячы з якіх спіральныя галактыкі, і, у прыватнасці, наша, ўтварыліся з кампактных галактык. У аснову гэтай гіпотэзы ляглі тыя факты, што спектры далёкіх яркіх кампактных галактык вельмі падобныя на спектры ядраў спіральных галактык. На думку навукоўцаў сучасныя кампактныя галактыкі таксама могуць калі-небудзь эвалюцыянаваць у спіральныя. Існаванне галактык такога тыпу яшчэ да іх адкрыцця прадбачыў швейцарскі астрафізік Ф. Цвікі. Бліжэйшая да нас кампактная галактыка — М 32. Кампактныя галактыкі размяркоўваюцца па тыпу спектру выпраменьвання: ад блакітных да інфрачырвоных.