Пулкаўская абсерваторыя
From Wikipedia, the free encyclopedia
Пулкаўская абсерваторыя (ГАА РАН) — асноўная астранамічная абсерваторыя Расійскай акадэміі навук. Адкрыта 7 (19) жніўня 1839 года. Размяшчаецца за 19 км на поўдзень ад цэнтра Санкт-Пецярбурга на мясцовасці Пулкава на Пулкаўскіх вышынях.
 Галоўны будынак Пулкаўскай абсерваторыі | |
| Арыгінал назвы | руск.: Главная (Пулковская) астрономическая обсерватория Российской академии наук |
|---|---|
| Тып | астранамічная абсерваторыя |
| Код | 084 (назіранні) |
| Размяшчэнне | Пулкаўскія вышыні (Пулкаўская гара), Расія |
| Каардынаты | |
| Вышыня | 75 м |
| Дата адкрыцця | 1839 |
| Сайт: | http://www.gaoran.ru/ |
Навуковая дзейнасць абсерваторыі ахоплівае практычна ўсе прыярытэтныя напрамкі фундаментальных даследаванняў сучаснай астраноміі: нябесная механіка і зорная дынаміка, астраметрыя (геаметрычныя і кінематычныя параметры Сусвету), Сонца і сонечна-зямныя сувязі, фізіка і эвалюцыя зорак, пазагалактычная астраномія, апаратура і методыка астранамічных назіранняў.
У штаце абсерваторыі, станам на 2018 год, было 282 чалавекі, у тым ліку 100 навуковых супрацоўнікаў, з іх 43 кандыдата і 27 дактароў навук.
У абсерваторыі ёсць адна дзеючая назіральная станцыя — Кіславодская горная астранамічная станцыя, а таксама два тэлескопы, якія працуюць на тэрыторыі іншых астранамічных абсерваторый: метровы тэлескоп АЗТ-24 (вытворчасць ЛОМО, Санкт-Пецярбург), усталяваны на назіральнай станцыі Кампа-імператарэ, якая належыць Рымскай абсерваторыі, і 40-сантыметровы тэлескоп MEADE LX-200, усталяваны на тэрыторыі абсерваторыі «Светлае», якая належыць Інстытуту прыкладной астраноміі РАН.
З 1990 года абсерваторыя ўваходзіць у склад ахоўнага ЮНЕСКА аб’екта «Гістарычны цэнтр Санкт-Пецярбурга і звязаныя з ім комплексы помнікаў», у тым ліку, могілкі Пулкаўскай абсерваторыі. Указам Прэзідэнта Расійскай Федэрацыі № 275 ад 2 красавіка 1997 года Пулкаўская абсерваторыя ўключана ў Дзяржаўны звод асабліва каштоўных аб’ектаў культурнай спадчыны народаў Расійскай Федэрацыі.
- Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
