Kontakto (у перакладзе — «кантакт») — міжнародны часопіс на мове эсперанта, які выдаецца Сусветнай арганізацыяй эсперанта UEA. Часопіс быў заснаваны ў 1963 годзе і цяпер распаўсюджваецца і чытаецца прыкладна ў 90 краінах свету. часопіс у асноўным публікуе матэрыялы на грамадска-палітычныя і культурныя тэмы; асаблівая ўвага надаецца публікацыі матэрыялаў на «нескладаным» эсперанта, якія могуць выкарыстоўвацца для вывучэння мовы.
| Kontakto | |
|---|---|
 | |
| Арыгінальная назва |
эспер.: Kontakto нідэрл.: Kontakto[1] |
| Тып | перыядычнае выданне[d] |
| Выдавец | Сусветная моладзевая арганізацыя эсперантыстаў |
| Краіна | |
| Рэдактар | Rogener Pavinski[d] |
| Заснавана | 1963 |
| Тэматыка | часопіс |
| Мова | эсперанта і нідэрландская[1] |
| Перыядычнасць | 2 месяц |
| ISSN | 0023-3692 |
| Вэб-сайт | tejo.org/agadoj/revuo-ko… |
 Медыяфайлы на Вікісховішчы | |
Выданне і распаўсюджванне
Часопіс фармальна лічыцца адным з двух друкаваных органаў Сусветнай маладзёжнай арганізацыі эсперантыстаў (TEJO), але фактычна выдаецца Сусветнай арганізацыяй эсперанта (UEA). Рэдактар часопіса выбіраецца і зацвярджаецца камітэтам TEJO па ўзгадненню з генеральным дырэктарам UEA; у розны час яго рэдактарамі былі розныя выдатныя эсперантысты, напрыклад, Хамфры Тонкін (ЗША, ён жа быў першым рэдактарам часопіса), Штэфан Маўль (Германія), Раман Дабжыньскі (Польшча), Ульрых Лінс (Германія), Іштван Эртль (Венгрыя) і інш. У 2000-х гадах у складзе рэдакцыі і сярод аўтараў дамінавалі рускамоўныя эсперантысты: у 2002—2007 гадах галоўным рэдактарам часопіса была Яўгенія Зверава-Аміс (Украіна, потым яна эмігравала ў ЗША), з лета 2007 па восень 2010 галоўным рэдактарам часопіса з’яўляўся Павел Мажаеў (Украіна). З восені 2010 года галоўным рэдактарам часопіса з’яўляўся бразілец Рожэнер Павінскі[2].
Часопіс друкуецца ў Польшчы, адтуль жа і распаўсюджваецца па ўсяму свету. Аўтарамі артыкулаў з’яўляюцца эсперантысты з самых розных краін свету. Перакладныя матэрыялы публікуюцца значна радзей за арыгінальна напісаных на эсперанта. Часопіс магчыма выпісаць з любой кропкі свету праз пасрэднікаў Сусветнай арганізацыі эсперанта. У год выдаецца 6 нумароў, кошт гадавой падпіскі вагаецца ў залежнасці ад краіны ў памерах 10—35 еўра. Індывідуальныя члены Сусветнай маладзёжнай арганізацыі эсперантыстаў атрымліваюць часопіс аўтаматычна. Акрамя таго, на афіцыйным сайце UEA рэгулярна з’яўляюцца pdf-версіі свежых нумароў. Слабавідзячыя могуць атрымліваць аўдыё-версію часопіса.
Тэматыка
Агульны кірунак часопіса вызначаны як грамадска-культурны; рэгулярна публікуюцца артыкулы, якія карыстаюцца цікаўнасць сярод моладзі — захапленні, інтэрнэт, падарожжы і інш. Нягледзячы на тое, што часопіс выдаецца на эсперанта, матэрыялы аб самім эсперанта (навіны ад эсперанта-мерапрыемствах, праблемныя артыкулы аб развіцці эсперанта-грамадства і г. д.), друкуюцца рэдка. Тым не менш, нярэдкімі з’яўляюцца матэрыялы, прысвечаныя эсперанта-культуры (эсперанта-літаратуры, феномену валодання эсперанта з нараджэння і г. д.); практычна ў кожным нумары публікуюцца рэцэнзіі аб новых эсперанта-кнігах і кампакт-дысках.
Асаблівая ўвага надаецца публікацыі матэрыялаў на «нескладаным эсперанта» (з выкарыстаннем так званых «простага» і «вельмі простага» слоўнікавых спісаў), якія могуць выкарыстоўвацца на пачатковых этапах авалодвання эсперанта.
Зноскі
- The ISSN portal — Paris: ISSN International Centre, 2005. — ISSN 0023-3692
- (эсп.)Інфармацыя аб выбранні новага рэдактара на афіцыйным сайце TEJO Архівавана 9 чэрвеня 2011.
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
