Івана-Франковэ

Не блытаць з Івана-Франкоўск.

У паняцця ёсць і іншыя значэнні, гл. Янаў, значэнні.

Івана-Франковэ^[1] (укр.: Івано-Франкове) — пасёлак Яварыўскага раёна Львоўскай вобласці Украіны. Размешчаны за 12 км на захад ад Львова, чыгуначная станцыя, да 1946 г. называўся Янаў (Янаў Львоўскі).

Пасёлак
Івана-Франковэ
укр.: Івано-Франкове
Касцёл Святой Тройцы
Сцяг Герб
49°55′09″ пн. ш. 23°43′24″ у. д.HGЯO
Краіна	Украіна
Вобласць	Львоўская
Раён	Яварыўскі
Гісторыя і геаграфія
Першае згадванне	1611
Ранейшыя назвы	Янаў
Пасёлак з	1940
Вышыня цэнтра	307 м
Часавы пояс	UTC+2, летам UTC+3
Насельніцтва
Насельніцтва	6300 чалавек (2023)
Лічбавыя ідэнтыфікатары
Тэлефонны код	+380-3259
Паштовы індэкс	81071
Аўтамабільны код	BC / 14
КААТУУ	4625855300
Паказаць/схаваць карты
Івана-Франковэ Івана-Франковэ
Медыяфайлы на Вікісховішчы

Гісторыя

Раней на месцы Янава было сяло Дэрэвач, затым назва змянілася на Залессе, гэта назва згадваецца ў дакументах 1370 г. Дакументы захавалі і дату ўтварэння і Янаўскага ставу, які адыграў не апошнюю ролю ў пазнейшыя часы. У 1407 г. кароль Ягайла выдаў Васілю Машэнцу права на вылаў рыбы паблізу вёскі Мальчыцы, за што той меў за свой рахунак зладзіць у Залессе стаў (сажалку) і запусціць туды рыбу. Вядома таксама, што ў 1428 г. Васіль Машэнец заснаваў у Залессі касцёл.

У 1611 г. кароль Жыгімонт III граматай дазволіў шляхцічу Яну Светаўскаму герба Абданк, пісару Львоўскаму земскаму, дзяржаўцу сяла Залессе, за баявыя заслугі заснаваць горад. 15 лістапада таго ж года горад атрымаў ад караля Магдэбургскае права.

Ульрых фон Вердум пісаў у сваім дзённіку ад 3 снежня 1670 г.: «Янаў калісьці быў прыгожым мястэчкам, але татары цалкам яго спустошылі. Ёсць тут 10 або 12 дрэнных дамоў і 3 драўляныя касцёлы зноў тут адбудаваныя. Горад знаходзіцца над возерам, якое разам з іншымі азёрамі староства дае ў год 1200 талераў парафіі».

У 1673 г. падчас падрыхтоўкі да паходу супраць туркаў і татараў для вызвалення Бучача, Камянец-Падольскага, Хоціна пад Янавам размяшчаўся лагер кароннага войска.

У часы Рэчы Паспалітай горад быў цэнтрам Янаўскага староства, у якое ўваходзілі 11 навакольных вёсак, у прыватнасці, Залессе, Парэчча, Страдч, Стаўкі, Біркы, Тычная, Сухалессе, Велікаполе, Карачынаў, Варацаў.

У 1867—1940 гг. Янаў уваходзіў у Гарадоцкі павет.

1 красавіка 1929 г. сяло Залессе было далучана да горада Янава.

27 сакавіка 1934 г. Янаў атрымаў статус горада.

У 1940—1941 і 1944—1962 гг быў цэнтрам Янаўскага (Івана-Франкоўскага) раёна.

У 1946 г. горад Янаў быў перайменаваны савецкімі ўладамі ў Івана-Франковэ ў гонар Івана Франка.