Іван Іванавіч Пляхімовіч

Іван Іванавіч Пляхімовіч (нар. 30 студзеня 1978, Ашмяны, Гродзенская вобласць) — беларускі юрыст. Кандыдат юрыдычных навук (2004), дацэнт (2007).

Іван Іванавіч Пляхімовіч
Дата нараджэння	30 студзеня 1978(1978-01-30) (47 гадоў)
Месца нараджэння	Ашмяны, Ашмянскі раён, Гродзенская вобласць, Беларуская ССР, СССР
Род дзейнасці	юрыст
Месца працы	Нацыянальны цэнтр законапраектнай дзейнасці пры Прэзідэнце Рэспублікі Беларусь[d] БДУ
Навуковая ступень	кандыдат юрыдычных навук (2004)
Навуковае званне	дацэнт
Альма-матар	Гродзенскі дзяржаўны ўніверсітэт імя Янкі Купалы (1999)

Біяграфія

Скончыў Гродзенскі дзяржаўны ўніверсітэт імя Я. Купалы (спецыяльнасць «Правазнаўства», 1999), Беларускі дзяржаўны ўніверсітэт (аспірантура, спецыяльнасць «Канстытуцыйнае права; муніцыпальнае права», 2002).

Працаваў у Нацыянальным цэнтры законапраектнай дзейнасці (2004—2008, намеснік дырэктара), Беларускім дзяржаўным універсітэце (з 2002, у 2004—2008 — па сумяшчальніцтве, юрыдычны факультэт, кафедра канстытуцыйнага права, дацэнт). Да 2016 года ён выкладаў канстытуцыйнае права, потым прадмет адабралі^[1]. З 1 ліпеня 2019 года Іван Пляхімовіч афіцыйна звольнены з БДУ^[2].

Навукова-даследчыцкая дзейнасць

Навуковыя інтарэсы: канстытуцыйнае права (асновы канстытуцыйнага ладу; прававыя акты; нарматворчы працэс). Аўтар двухтомнага Каментарыя да Канстытуцыі Рэспублікі Беларусь.

Выбраная бібліяграфія

• Канстытуцыйнае заканадаўства Беларусі: агульнасістэмны і іерархічны аспекты / І. І. Пляхімовіч // Вестник Полоцкого государственного университета. — 2008. ― № 4. ― С. 127―132.
• Дэмакратыя. Аўтарытарызм. Навука / І. І. Пляхімовіч // Демократия. Закон. Право: сб. материалов круглого стола, посвящ. 90-летию со дня рождения А. А. Головко, Минск, 12 дек. 2015 г. / Белорус. гос. ун-т. — Минск, 2016. — С. 112—115.