Ігар Алегавіч Стома

Ігар Алегавіч Стома — беларускі ўрач-інфекцыяніст. Доктар медыцынскіх навук (2020), дацэнт. Рэктар Гомельскага дзяржаўнага медыцынскага ўніверсітэта (з 2020).

Ігар Алегавіч Стома
Дата нараджэння	14 верасня 1988(1988-09-14) (36 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	урач, інфекцыяніст, выкладчык універсітэта
Навуковая сфера	мікрабіялогія
Месца працы	Мемарыяльны анкалагічны цэнтр імя Слоуна — Кетэрынга[d][1] БДМУ Гарадская інфекцыйная клінічная бальніца[d] Гомельскі дзяржаўны медыцынскі ўніверсітэт[2]
Навуковая ступень	доктар медыцынскіх навук[3] (2020)
Навуковае званне	дацэнт (2019) прафесар[d]
Альма-матар	лячэбны факультэт БДМУ
Член у	Еўрапейскае таварыства па клінічнай мікрабіялогіі і інфекцыйных хваробах[d] The Transplantation Society[d]

У Вікіпедыі ёсць артыкулы пра іншых людзей з прозвішчам Стома.

Біяграфія

Скончыў з адзнакай лячэбны факультэт Беларускага дзяржаўнага медыцынскага ўніверсітэта па спецыяльнасці ўрача-інфекцыяніста. У студэнцкія гады актыўна займаўся навукай пад кіраўніцтвам прафесараў А. І. Кубаркі і Я. В. Баркоўскага, быў старастам навуковага кружка кафедры нармальнай фізіялогіі, лаўрэатам стыпендыі імя прафесара М. Я. Філіповіча, уключаны ў банк даных адоранай моладзі Рэспублікі Беларусь.

У 2013—2017 гг. навукова-выкладчыцкую дзейнасць сумяшчаў з працай урачом у Гарадской клінічнай інфекцыйнай бальніцы г. Мінска. У 2019 годзе выконваў абавязкі акрэдытаванага ўрача II Еўрапейскіх гульняў у г. Мінску. Дацэнт кафедры інфекцыйных хвароб БДМУ.

З’яўляецца кансультантам па пытаннях лячэння і прафілактыкі інфекцыйных ускладненняў у пацыентаў гематалагічнага, анкалагічнага профіля, пры трансплантацыі органаў і тканак на базе Мінскага навукова-практычнага цэнтра хірургіі, транспланталогіі і гематалогіі, а таксама іншых стацыянараў краіны. У 2016 годзе абараніў кандыдацкую дысертацыю, у 2020 годзе — доктарскую дысертацыю на тэму «Этыятропная тэрапія і медыцынская прафілактыка інфекцый у пацыентаў з пухліннымі захворваннямі крывятворнай тканкі».

21 верасня 2020 года прызначаны на пасаду рэктара Гомельскага дзяржаўнага медыцынскага ўніверсітэта^[4].

Навуковая дзейнасць

Сфера практычных і навуковых інтарэсаў уключае інфекцыйныя ўскладненні ў пацыентаў у гематалогіі і анкалогіі на фоне хіміятэрапіі, пры трансплантацыі органаў і тканак, рацыянальную антымікробную тэрапію, вакцынапрафілактыку інфекцый у сталых, біяінфарматыку і статыстыку, а таксама мікрабіём чалавека ў норме і пры паталогіі.

Аўтар больш 100 навуковых публікацый, у тым ліку: 9 навучальных і навучальна-метадычных дапаможнікаў, 2 манаграфій, шэрагу кіраўніцтваў для ўрачоў. Мае патэнты на вынаходствы ў галіне медыцыны. Удзельнічаў у стварэнні 4 інструкцый па прымяненні, зацверджаных Міністэрствам аховы здароўя РБ.

Аўтар першай апублікаванай у СНД рускамоўнай манаграфіі на тэму мікрабіёма чалавека, а таксама першага кіраўніцтва для ўрачоў па даследаванні мікрабіёма ў медыцыне. Сааўтар падручніка на англійскай мове «The TBE Book» (Singapore: Global Health Press. — 2019—2020), у двух выданнях.

Лаўрэат конкурсу ВАК РБ на лепшую дысертацыю ў намінацыі медыцынскія і ветэрынарныя навукі ў 2016 годзе. Паспяхова завяршыў паслядыпломную падрыхтоўку па клінічнай эпідэміялогіі і медыцынскай статыстыцы ва Універсітэце імя Эразма Ратэрдамскага (Нідэрланды); паслядыпломную падрыхтоўку па мікрабіялогіі на базе НДІ антымікробнай хіміятэрапіі (Расія); паслядыпломную падрыхтоўку па правядзенні сістэматычнага даследавання і мета-аналізу (Аўстрыя).

З’яўляецца членам рабочай групы па інфекцыях у імунакампраметаваных пацыентаў Еўрапейскага таварыства па клінічнай мікрабіялогіі і інфекцыйных захворваннях (ESCMID)^[en], Таварыства трансплантацыі (The Transplantation Society), Міжрэгіянальнай асацыяцыі па клінічнай мікрабіялогіі і антымікробнай хіміятэрапіі (МАКМАХ). Прадстаўнік Беларусі ў Рабочай групе па інфекцыях у Еўрапейскай гематалагічнай асацыяцыі (EHA)^[en]. Старшыня ESCMID-афіляванай Мінскай рабочай групы па інфекцыях у гематалогіі, транспланталогіі і анкалогіі.

Зноскі

1. (unspecified title) Праверана 17 чэрвеня 2020.
2. Montenegro A. ORCID Public Data File 2023 — 2023. — doi:10.23640/07243.24204912.V1 Праверана 10 лістапада 2023.

   <a href='https://wikidata.org/wiki/Track:Q123508386'></a>
3. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-NLB-ar8854385&strq=l_siz=20
4. Кадравы дзень у Прэзідэнта: новы дзяржаўны санітарны ўрач, рэктары ВНУ і кіраўніцтва Мінфіна Архівавана 25 жніўня 2021.