Ігар Васілевіч Дурэйка

Ігар Васілевіч Дурэйка (1922—1994) — беларускі спартсмен, спецыяліст у галіне спартыўнай медыцыны. Майстар спорту СССР па плаванні. Заслужаны трэнер Беларускай ССР. Заслужаны ўрач БССР (1980)^[1].

Ігар Васілевіч Дурэйка
Дата нараджэння	1922
Месца нараджэння	Орша, Аршанскі павет, Віцебская губерня, РСФСР або Менск, Менскі павет, Беларуская ССР
Дата смерці	1994
Род дзейнасці	плывец, спартыўны ўрач
Месца працы	Рэспубліканскі навукова-практычны цэнтр спорту[d]
Альма-матар	БДМУ
Узнагароды	Заслужаны трэнер БССР[d]

У Вікіпедыі ёсць артыкулы пра іншых людзей з прозвішчам Дурэйка.

Біяграфія

З дзяцінства захапляўся плаваннем, але раскрыцца таленту ў поўнай меры перашкодзіла вайна^[1].

Дзевятнаццацігадовы Ігар Дурэйка з першых дзён пайшоў на фронт^[2]. Быў разведчыкам, камандзірам дыверсійнай групы, якая дзейнічала ў глыбокім тыле праціўніка^[2].

Пасля заканчэння вайны паступіў у Мінскі медыцынскі інстытут, пры гэтым працягваў займацца плаваннем^[3].

Пасля заканчэння спартыўнай кар’еры стаў спецыялістам у галіне спартыўнай медыцыны. У 1952—1992 гадах працаваў у Рэспубліканскім дыспансеры спартыўнай медыцыны^[1].

Спартыўная кар’ера

Быў уключаны ў складзе зборнай каманды СССР па плаванні^[3]. Разам з заслужаным майстрам спорту Леанідам Мяшковым  (руск.), майстрамі спорту Эндэлем Эдасі  (эст.) і Уладзімірам Забеліным не раз усталёўваў рэкорды СССР у эстафетным плаванні 4 х 100 м брасам^[2][3].

Подзвіг

Пры адступленні свайго баявога атрада цераз раку Шчару^[4] выратаваў пецярых таварышаў, пераправіўшы іх на спіне на другі бераг, нягледзячы на бесперапынную страляніну.

Ушанаванне памяці

Адкрыты чэмпіянат Беларусі па плаванні на кароткай вадзе прысвячаецца памяці заслужанага трэнера і ўрача Беларусі Ігара Васілевіча Дурэйкі^[2].

Зноскі

1. Дурейко, Игорь Васильевич (спортсмен; врач ; 1922—1994)
2. Помоги товарищу! (руск.)
3. Рассказываем о бессмертном подвиге Игоря Дурейко Архівавана 13 верасня 2022. (руск.)
4. У крыніцах сустракаецца памылковае напісанне Шара