Ігар Рыгоравіч Бакалаў

Ігар Рыгоравіч Бакалаў (9 снежня 1939, Екацярынбург — 25 верасня 1992) — савецкі і беларускі спартсмен-стралок, спецыялізаваўся ў кулявой стральбе з пісталета і рэвальвера, шматразовы чэмпіён свету, Еўропы і СССР. Заслужаны майстар спорту СССР^[2][3].

Ігар Рыгоравіч Бакалаў
Пол	мужчынскі пол
Спецыялізацыя	Стральба кулявая і стралковы спорт
Нарадзіўся	9 снежня 1939(1939-12-09) Свярдлоўск, Свярдлоўская вобласць, РСФСР, СССР
Памёр	25 верасня 1992(1992-09-25) (52 гады) Мінск, Беларусь
Пахаванне	Мінск
Грамадзянства	СССР[1]
Рост	184 см
Узнагароды і медалі Чэмпіянаты свету Золата Каір 1962  (англ.) Пісталет цэнтральнага бою, 25 метраў Золата Каір 1962  (англ.) Каманднае першынство Серабро Вісбадэн 1966  (англ.) Каманднае першынство Серабро Каір 1962  (англ.) Хуткасны пісталет, 25 метраў Серабро Фінікс 1970  (ісп.) Каманднае першынство

Біяграфія

Ігар Рыгоравіч нарадзіўся ў 1939 годзе ў Свярдлоўску ў шматдзетнай сям’і — акрамя яго ў бацькоў ужо былі дзве дачкі і сын. У 1944 годзе Бакалавы пераехалі на Украіну, а праз 10 гадоў — у Ленінград, дзе Ігар скончыў вячэрнюю школу і працаваў на заводзе імя Варашылава.

У 16 гадоў Бакаль уступіў у таварыства паляўнічых і пачаў вучыцца стральбе, а праз некалькі гадоў ён быў прызваны на тэрміновую службу ў шэрагі Чырвонай Арміі. Службу праходзіў у Маскве, там жа пачаў спартыўныя трэніроўкі ў стралковым спорце спачатку на стрэльбішча ў Мыцішчах, затым — у ЦСКА.

У 1960 годзе спартсмен быў уключаны ў склад каманды «Дынама-1» і ўпершыню стаў чэмпіёнам СССР, а ўжо ў 1961 годзе — увайшоў у склад зборнай СССР і выйграў сусветнае першынство.

У 1962 годзе Ігар Бакалаў ажаніўся з Тамарай, майстрам спорту па кулявой стральбе, і пераехаў на радзіму жонкі — у Мінск.

Дасягненні

Чэмпіён свету ў асабістым і камандных (двойчы) першынствах (1962, Каір), у камандным першынстве (1966, Вісбадэн), сярэбраны прызёр чэмпіянатаў свету ў асабістым (1962) і камандным (1966, 1970, Фінікс) першынствах. Чэмпіён Еўропы ў камандным (1963, Стакгольм), Спартакіяды народаў СССР (1967, 1971) і СССР (1964, 1966—1969, 1971—1972) у асабістым першынствах. Пераможца і прызёр міжнародных і ўсесаюзных спаборніцтваў^[2].

Рэкардсмен свету ў камандным (1962), СССР і асабістым (1967—597 з 600, 1970—598 з 600) першынствах. Перамогі здабытыя ў спаборніцтвах па стральбе з буйнакалібернага рэвальвера і малакалібернага пісталета^[2].

Зноскі

1. Sports-Reference.com Праверана 21 студзеня 2016.

   <a href='https://wikidata.org/wiki/Track:Q18002875'></a>
2. Бакалов Игорь Григорьевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 38. — 737 с.
3. Добров А.. XX летние Олимпийские игры 1972 год. История выступления сборной команды СССР по пулевой и стендовой стрельбе (нявызн.). Федерация стрельбы Украины. Праверана 8 чэрвеня 2012.