Ігар Сяргеевіч Цітовіч

Ігар Сяргеевіч Цітовіч (30 чэрвеня 1917, горад Горкі, Магілёўская вобласць – 12 чэрвеня 1985) — беларускі вучоны ў галіне машынабудавання. Член-карэспандэнт АН БССР (1974), доктар тэхнічных навук, прафесар (1970), заслужаны дзеяч навукі і тэхнікі БССР (1972).

Ігар Сяргеевіч Цітовіч
Дата нараджэння	30 чэрвеня 1917(1917-06-30)
Месца нараджэння	Горкі, Горацкі павет, Магілёўская губерня, Расійская імперыя
Дата смерці	12 чэрвеня 1985(1985-06-12) (67 гадоў)
Род дзейнасці	навуковец
Навуковая сфера	машынабудаванне
Месца працы	БПІ Інстытут праблем надзейнасці і даўгавечнасці машын АН БССР
Навуковая ступень	доктар тэхнічных навук
Альма-матар	БПІ (1940)
Узнагароды

У Вікіпедыі ёсць артыкулы пра іншых людзей з прозвішчам Цітовіч.

Біяграфія

Скончыў Беларускі політэхнічны інстытут (1940). Удзельнік Вялікай Айчыннай вайны. У 1940, 1945-1971 гг. выкладчык БПІ (з 1951 загадчык кафедры), адначасова з 1957 г. навуковы кіраўнік Праблемнай аўтамабільнай лабараторыі. У 1971-1985 гг. дырэктар, намеснік дырэктара Інстытута праблем надзейнасці і даўгавечнасці машын АН БССР.

Удзельнічаў у распрацоўцы першага беларускага аўтамабіля МАЗ-525, ва ўдасканаленні аўтамабіляў ГАЗ-53, КрАЗ-214, БелАЗ-540, трактароў. Працы па праектаванні асноўных агрэгатаў аўтамабіляў, трактароў і лакаматываў.

Узнагароджаны ордэнам Працоўнага Чырвонага Сцяга.

Асноўныя публікацыі

• Расчеты по предельным состояниям валов, шестерен и подшипников автомобиля. – Мн., 1960.
• Безотказность и долговечность тракторов и сельскохозяйственных машин. – Мн., 1977 (у сааўт.).
• Кинематика и долговечность подшипников качения машин и приборов. – Мн., 1977 (у сааўт.).
• Трансмиссии автомобилей. – Мн., 1979 (у сааўт.).

Зноскі