Ілона Георгіеўна Касабука

Ілона Георгіеўна Касабука (нар. 17 верасня 1966, г. Мінск) — беларуская мастачка.

Ілона Георгіеўна Касабука
Дата нараджэння	17 верасня 1966(1966-09-17) (58 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	мастачка
Жанр	манументальны жывапіс і станковы жывапіс
Вучоба	Рэспубліканская школа-інтэрнат па музыцы і выяўленчым мастацтве імя І. В. Ахрэмчыка (1985) Беларуская дзяржаўная акадэмія мастацтваў (1991)
Член у	Беларускі саюз мастакоў
Медыяфайлы на Вікісховішчы

Біяграфія

Скончыла ў 1985 годзе Рэспубліканскую школу-інтэрнат па музыцы і выяўленчаму мастацтву імя І. В. Ахрэмчыка, у 1991 годзе — аддзяленне інтэр’ера Беларускага тэатральна-мастацкага інстытута.

Член Беларускага саюза мастакоў з 1999 года, член Міжнароднага аб’яднання мастакоў Францыі з 2009 года.

З 1989 — пастаянны ўдзельнік рэспубліканскіх і міжнародных выставак, а таксама міжнародных плэнэраў у такіх краінах, як Беларусь, Бельгія, Балгарыя, Германія, Кітай, Латвія, Літва, ААЭ, Польшча, Расія, Славакія, Францыя, Швейцарыя і інш. З’яўляецца аўтарам шматлікіх персанальных выставак і праектаў, якія праходзяць як у Беларусі, так і далёка за яе межамі.

Творчасць

Працуе ў галіне станковага і манументальнага жывапісу, стылістыкі інтэр’ера і дэкарыравання прасторы.

Творы мастачкі знаходзяцца ў фондах Нацыянальнага мастацкага музея Рэспублікі Беларусь, Цэнтра сучаснага мастацтва ў Мінску, Мастацкага музея г. Варна (Балгарыя), Мастацкага музея г. Шарджы (ААЭ), у калекцыях «Дойчэ банк» («Deutsche Bank», Германія) і канцэрна «Лібхер» («Liebherr», Германія), а таксама ў прыватных зборах.

Спасылкі

• Біяграфія