Ілья Сільчукоў

Ілья Сільчукоў (нар. 4 лютага 1982) — беларускі оперны спявак (барытон).

Ілья Сільчукоў
Асноўная інфармацыя
Дата нараджэння	4 лютага 1982(1982-02-04) (43 гады)
Месца нараджэння	Мінск, Беларуская ССР, СССР
Краіна	Беларусь
Альма-матар	Рэспубліканскі навучальны комплекс гімназія-каледж пры Беларускай дзяржаўнай акадэміі музыкі (2000) Мінскае музычнае вучылішча (2002) Беларуская дзяржаўная акадэмія музыкі (2005)
Месца працы	Нацыянальны акадэмічны Вялікі тэатр оперы і балета Рэспублікі Беларусь
Музычная дзейнасць
Прафесіі	оперны спявак
Гады актыўнасці	з 2005
Пеўчы голас	барытон
Інструменты	вакал
Узнагароды
Медыяфайлы на Вікісховішчы
ilyasilchukov.com

Біяграфія

Скончыў у 2000 годзе Рэспубліканскі комплекс гімназію-каледж пры Беларускай дзяржаўнай акадэміі музыкі, затым у 2002 годзе вакальнае аддзяленне Мінскага музычнага вучылішча імя М. Глінкі, у 2005 годзе — вакальнае аддзяленне Беларускай дзяржаўнай акадэміі музыкі.

З 2005 года — саліст Вялікага тэатра оперы і балета Беларусі. Удзельнічаў у пратэстах 2020 года, праспяваў гімн «Магутны Божа» ў адмысловым кліпе, быў звольнены з тэатра^[1].

Спяваў у міланскай «Ла Скала», удзельнік пастаноўкі «Дзікага палявання караля Стаха» ў Лондане. Займаецца праектам пад назвай The Voice of My Land («Голас маёй зямлі»), які ладзіць з піяністкай Таццянай Лойша, у снежні 2022 года адыграў з ёй канцэрт у Бостане. Таксама ладзіць камерныя выступы з расійскім піяністам Паўлам Нэрсэсьянам. З 2024 года ў оперным тэатры Сіэтла, спяваў у операх «Тоска», «Піраты Пянзанса» і інш.

Прэміі і ўзнагароды

• Лаўрэат міжнародных конкурсаў вакалістаў
• Медаль Францыска Скарыны (2015)