Імянінскі сельсавет

Імяні́нскі сельсавет (руск.: Именинский сельсовет) — адміністрацыйна-тэрытарыяльная адзінка ў складзе Драгічынскага раёна Брэсцкай вобласці Беларусі. Цэнтр — аграгарадок Імянін.

Імянінскі сельсавет
Краіна	Беларусь
Уваходзіць у	Драгічынскі раён
Уключае	9 населеных пунктаў
Адміністрацыйны цэнтр	Імянін
Дата ўтварэння	16 ліпеня 1954
Насельніцтва (2019)	1 110
Часавы пояс	UTC+03:00
Код аўтам. нумароў	1

Утвораны 16 ліпеня 1954 года ў складзе Антопальскага раёна Брэсцкай вобласці БССР шляхам аб’яднання Дзераўноўскага і Заніўеўскага сельсаветаў^[1]. Падчас утварэння сельсавета вёска Тыневічы перададзена ў склад Аляксеевіцкага сельсавета Драгічынскага раёна, вёска Пацы — у склад Брашэвіцкага сельсавета Драгічынскага раёна. Пасля скасавання Антопальскага раёна 8 жніўня 1959 года ўвайшоў у склад Драгічынскага раёна. На 1 студзеня 1974 года ў складзе Імянінскага сельсавета было 9 населеных пунктаў^[2].

Насельніцтва сельсавета паводле перапісу 2009 года — 1477 чалавек^[3], з іх 92,2 % — беларусы, 4,9 % — украінцы, 2,1 % — рускія^[4]; паводле перапісу 2019 года — 1110 чалавек^[5].

У складзе сельсавета 9 населеных пунктаў: Брадок, Віры, Дзераўная, Заніўе, Зёлава, Імянін, Мосткі, Сукачы, Татар’я.