Інстытут мікрабіялогіі НАН Беларусі

Інстытут мікрабіялогіі Нацыянальнай акадэміі навук Беларусі быў утвораны ў 1975 годзе^[2] на базе Аддзела мікрабіялогіі, што функцыяваў у рамках Акадэміі навук БССР з 1966 года^[3]. Ля вытокаў арганізацыі Аддзела стаяў Сямён Андрэевіч Самцэвіч. Знаходзіцца на вуліцы акадэміка В. Ф. Купрэвіча, 2.

Інстытут мікрабіялогіі НАН Беларусі
Арыгінальная назва	альтэрн.: Інстытут мікрабіялёгіі[1]
Заснаваны	1975
Сайт	mbio.bas-net.by

Навуковая дзейнасць

Асноўныя кірункі даследаванняў

• фізіялогія і біяхімія мікраарганізмаў;
• навуковыя асновы накіраванага сінтэзу біялагічна актыўных рэчываў і выкарыстанне мікраарганізмаў у прамысловасці, сельскай гаспадарцы, медыцыне і ахове навакольнага асяроддзя.

Вынікі даследаванняў

• Вывучаны механізмы рэгуляцыі Утварэння мікробных дэпалімсраз як элементаў складанай сістэмы адаптацыі, высокай канкурэнтаздольнасці і экалагічнай пластычнасці мікраарганізмаў, выяўлена роля злучэнняў ліпіднай прыроды ў адаптацыі мікраарганізмаў да стрэсавых уздзеянняў і распрацаваны прынцыпы атрымання ліпафільных біяантыаксідантаў новага пакалення, біялагічна актыўных злучэнняў тыпу прастагландзінаў.
• Распрацаваны навуковыя асновы біятэхналогіі атрымання злучэнняў з супрацьвіруснай і супрацьпухліннай актыўнасцямі, канцэпцыя рэгулявання дзейнасці мікрафлоры, якая забяспечвае інтэнсіфікацыю працэсаў разбурэння таксічных рэчываў, якія забруджваюць глебу.
• Упершыню прапанаваны шляхі біялагічнай рэкультывацыі тэрыторый, якія выведзены з сельскагаспадарчага карыстання, і новыя падыходы да біярэмедыяцыі глеб шляхам ужывання інтрадуцэнтаў шырокага спектра дзеяння.
• Створаны шэраг біяпрэпаратаў і тэхналогій, якія выкарыстоўваюцца ў медыцыне, сельскай гаспадарцы і ветэрынарыі.

Будова Інстытута на 01.06.2025

• Лабараторыя ферментаў
• Лабараторыя малекулярнай біятэхналогіі
• Лабараторыя ўзаемаадносін мікраарганізмаў глебы і вышэйшых раслін
• Ларабаторыя малочнакіслых і біфідабактэрый
• Лабараторыя прыродаахоўных біятэхналогій
• Лабараторыя «Калекцыя мікраарганізмаў»
• Аддзел мікробнай біяінжынерыі
• Галіновая лабараторыя малекулярных бія- і нанатэхналогій
• Лабараторыя «Цэнтр аналітычных і генна-інжырерных даследаванняў»
• Лабараторыя біятэхналогіі мікраміцэтаў
• Навукова-вытворчы цэнтр біятэхналогій
• Сектар суправаджэння навуковых праграм
• Сектар маркетынгу і міжнародных сувязей

Дырэктары інстытута ў розныя гады

• Анатоль Георгіевіч Лабанок (1975—2004)
• Эмілія Іванаўна Каламіец (2004—2022)
• Аляксандр Анатолевіч Шэпшэлеў (з 29 чэрвеня 2022)^[4]