Іосіф Ісакавіч Гарэлік

У Вікіпедыі ёсць артыкулы пра іншых людзей з прозвішчам Гарэлік.

Іосіф Ісакавіч Гарэлік (3 снежня 1921, Бабруйск, Бабруйскі павет, БССР — 2008) — беларускі юрыст. Доктар юрыдычных навук (1966), прафесар. Інвалід Вялікай Айчыннай вайны.

Іосіф Ісакавіч Гарэлік
Дата нараджэння	3 снежня 1921(1921-12-03)
Месца нараджэння	Бабруйск, Бабруйскі павет, Савецкая Сацыялістычная Рэспубліка Беларусі
Дата смерці	2008
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	правазнаўства
Месца працы	юрыдычны факультэт БДУ
Навуковая ступень	доктар юрыдычных навук (1966)
Навуковае званне	прафесар
Альма-матар	юрыдычны факультэт СПбДУ (1944)
Узнагароды

Біяграфія

Нарадзіўся 3 снежня 1921 года ў Бабруйску.

У 1944 годзе скончыў Ленінградскі юрыдычны інстытут, у 1947 годзе — аспірантуру гэтага інстытута.

У 1947 годзе абараніў кандыдацкую дысертацыю на тэму «Крымінальна-прававая ахова асабістай уласнасці грамадзян. Крадзеж». Абарона доктарскай дысертацыі на тэму «Злачынствы небяспечныя для жыцця і здароўя (пастаўленне ў небяспеку і пакіданне ў небяспецы)» адбылася ў 1965 годзе ў Ленінградскім універсітэце.

Працаваў у судовых органах Беларускай ССР, Мінскім юрыдычным інстытуце (з 1947), на юрыдычным факультэце ў Беларускім дзяржаўным універсітэце (1955—1992, прафесар кафедры крымінальнага права).

Навуковыя інтарэсы: крымінальнае права; гісторыя права; прававыя аспекты трансплантацыі органаў і тканак.

Аўтар звыш 80 навуковых прац, сярод якіх манаграфіі, падручнікі, навучальныя дапаможнікі, навукова-практычныя каментарыі крымінальнага заканадаўства, артыкулы. Аўтар і рэдактар двухтомнага падручніка «Крымінальнае права БССР» (1978), вядучы аўтар сямі выданняў навукова-практычных каментарыяў да Крымінальнага кодэкса БССР. Падрыхтаваў трох кандыдатаў навук^[1].

Многія гады з’яўляўся членам Навукова-кансультатыўнага савета Вярхоўнага Суда БССР, удзельнічаў у падрыхтоўцы праекта Крымінальнага кодэкса БССР 1960 года, унёс уклад у распрацоўку Крымінальнага кодэкса Рэспублікі Беларусь 1999 года^[2].

Узнагароды

• Ордэн Айчыннай вайны II ступені і інш.

Бібліяграфія

• Правовые аспекты пересадки органов и тканей. — Минск, 1961.
• Преступления, опасные для жизни и здоровья (поставление в опасность и оставление в опасности) : автореферат диссертации … доктора юридических наук / Горелик Иосиф Исаакович. — Ленинград, 1965.
• Квалификация преступлений опасных для жизни и здоровья — Минск: «Вышэйшая школа», 1973.
• Уголовное право БССР: учебник : в 2 т. Т. 1. Часть Общая / И. И. Горелик [и др.]; под ред. И. И. Горелика. Минск, Вышэйшэйшая школа, 1978. 334 с.;
• Уголовное право БССР: учебник : в 2 т. Т. 2. Часть Особенная / И. И. Горелик [и др.]; под ред. И. С. Тишкевича. Минск : Вышэйшэйшая школа, 1978. 334 с.
• Применение уголовного законодательства в судебной практике БССР. — Минск: Изд-во БГУ, 1982.
• Избранные труды / И. И. Горелик. – Минск : ЮрСпектр, 2021. – 480 с. – (Наследие права).^[3]