Іосіф Самуілавіч Абраміс

Іо́сіф Самуі́лавіч Абра́міс (29 кастрычніка 1918, Мінск — 29 верасня 1984, Мінск) — беларускі савецкі дырыжор, педагог. Заслужаны дзеяч мастацтваў БССР (1964). Удзельнік Вялікай Айчыннай вайны.

Іосіф Самуілавіч Абраміс
Дата нараджэння	29 кастрычніка 1918(1918-10-29)
Месца нараджэння	Мінск, Мінскі павет, Мінская губерня
Дата смерці	29 верасня 1984(1984-09-29) (65 гадоў)
Месца смерці	Мінск, Беларуская ССР, СССР
Краіна	СССР
Месца працы	Беларуская дзяржаўная акадэмія музыкі
Музычная дзейнасць
Прафесіі	дырыжор, музычны педагог
Інструменты	валторна
Грамадская дзейнасць
Партыя	КПСС
Узнагароды

У Вікіпедыі ёсць артыкулы пра іншых людзей з прозвішчам Абраміс.

Біяграфія

Cкончыў Беларускую кансерваторыю па класах валторны (1941) і сімфанічнага дырыжыравання (1950)^[1].

У 1936-41 і 1945-48 артыст аркестра, з 1948 хормайстар, у 1951-79 дырыжор Дзяржаўнага тэатра оперы і балета БССР. Кіраваў пастаноўкай опер і балетаў «Баль-маскарад» і «Атэла» Джузепе Вердзі (1961 і 1963), «Князь Ігар» Аляксандра Барадзіна (1967), «Марынка» Рыгора Пукста (1955), «Калі ападае лісце» Юрыя Семянякі (1968), «Спячая прыгажуня» Пятра Чайкоўскага (1954), «Спартак» А. Хачатурана (1964). У 1979—1982 галоўны дырыжор Дзяржаўнага тэатра музычнай камедыі БССР, дзе кіраваў пастаноўкай «Несцеркі» Р. Суруса (1979)^[1]. З 1982 года выкладаў у Беларускай кансерваторыі.

Зноскі

1. Абрамис Иосиф Самуилович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — 737 с.