Ірына Аляксандраўна Аляксанава

Ірына Аляксандраўна Аляксанава (нар. 27 кастрычніка 1949, в. Завалочыцы Глускага раёна Магілёўскай вобласці) — беларускі палітык.

Ірына Аляксандраўна Аляксанава
Нараджэнне	27 кастрычніка 1949(1949-10-27) (75 гадоў) Завалочыцы, Глускі раён, Бабруйская вобласць, Беларуская ССР, СССР
Адукацыя	БДУ
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыла Беларускі дзяржаўны ўніверсітэт, выкладчык гісторыі і грамадазнаўства. Працоўную дзейнасць пачала медыцынскай сястрой Пастаўскай раённай бальніцы Віцебскай вобласці. Працавала медыцынскай сястрой Навукова-даследчага інстытута анкалогіі і медыцынскай радыялогіі, лабарантам Беларускага навукова-даследчага інстытута экспертызы працаздольнасці і арганізацыі працы інвалідаў Міністэрства сацыяльнага забеспячэння, старшым інспектарам, намеснікам начальніка аддзела сацыяльнага забеспячэння Мінскага гарвыканкама. Займала пасады першага намесніка начальніка ўпраўлення сацыяльнай абароны Мінскага гарвыканкама, начальніка ўпраўлення сацыяльнай абароны Мінскага гарвыканкама, старшыні камітэта па працы і сацыяльнай абароне Мінскага гарвыканкама.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання^[1].

Узнагароды

Узнагароджана медалём «За працоўныя заслугі», Ганаровай граматай Нацыянальнага сходу Рэспублікі Беларусь^[2].

Зноскі

1. АЛЕКСАНОВА ИРИНА АЛЕКСАНДРОВНА Архівавана 1 верасня 2019.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.