Бабруйская вобласць

Бабру́йская во́бласць — адміністрацыйна-тэрытарыяльная адзінка ў БССР у 1944—1954 гг. Утворана 20 верасня 1944 г. з раёнаў Магілёўскай, Мінскай і Палескай абласцей. Цэнтр — горад Бабруйск. Плошча 19 700 км², насельніцтва 654 900 чалавек (1953 год). Абласная газета «Савецкая Радзіма».

Бабруйская вобласць
Краіна	СССР
Уваходзіць у	Беларуская ССР
Адміністрацыйны цэнтр	Бабруйск
Дата ўтварэння	20.09.1944
Дата скасавання	8 студзеня 1954
Насельніцтва	654 900 чал. (1953)
Плошча	8,4 тыс.

Гісторыя

Уключала 14 раёнаў:

• Акцябрскі (цэнтр — вёска Карпілаўка),
• Асіповіцкі,
• Бабруйскі,
• Глускі,
• Грэскі,
• Капыльскі,
• Кіраўскі,
• Клічаўскі,
• Любанскі,
• Парыцкі,
• Слуцкі,
• Старадарожскі,
• Старобінскі,
• Чырвонаслабодскі.

Таксама ў вобласці было 4 гарады (Асіповічы, Бабруйск, Слуцк, Старыя Дарогі), 8 гарадскіх пасёлкаў (Глуск, Капыль, Клічаў, Любань, Старобін, Парычы, Урэчча, Чырвоная Слабада), 4 рабочыя пасёлкі (Глуша, Градзянка, Ялізава, Ясень).

8 студзеня 1954 года скасавана: Акцябрскі і Парыцкі раёны перададзеныя ў Гомельскую вобласць, Асіповіцкі, Бабруйскі, Кіраўскі і Клічаўскі раёны — у Магілёўскую, астатнія — у Мінскую вобласць.

Літаратура

• Атлас гісторыі Беларусі ад старажытнасці да нашых дзён. — Мінск: Выдавецтва «Беларуская Энцыклапедыя» імя Петруся Броўкі, 2006. — С. 110. — 160 с. — ISBN 985-11-0376-4

Спасылкі

• Адміністрацыйны падзел Беларусі: гістарычная даведка (руск.)