Ірына Анатолеўна Волкава

Ірына Анатолеўна Волкава (нар. 17 снежня 1940, Мінск) — беларуская мастачка-графік.

Ірына Анатолеўна Волкава
Дата нараджэння	17 снежня 1940(1940-12-17) (84 гады)
Месца нараджэння	Мінск, Мінская вобласць, Беларуская ССР, СССР
Грамадзянства	Беларусь
Род дзейнасці	графік
Месца працы	Дыяфільм[d]
Жанр	станковая графіка і кніжная графіка
Вучоба	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Уплыў	Людвіг Пятровіч Асецкі, Арлен Міхайлавіч Кашкурэвіч і Павел Канстанцінавіч Любамудраў
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Волкава.

Біяграфія

Нарадзілася 17 снежня 1940 года ў Мінску. У 1963 годзе скончыла Мінскае мастацкае вучылішча, у 1968 годзе — Беларускі тэатральна-мастацкі інстытут. Вучылася ў Л. Асецкага, А. Кашкурэвіча, П. Любамудрава^[1].

Удзельнічае ў мастацкіх выставах з 1966 года. З 1993 года працуе мастацкім рэдактарам на студыі «Дыяфільм»^[1].

Член Беларускага саюза мастакоў з 1983 года. Жыве ў Мінску^[1].

Творчасць

Працуе ў галіне станковай і кніжнай графікі. Асноўныя творы: «Лета», «Півоні», «Рамонкі», «Асенні букет», «Юнацтва Палесся», «Пасля чаю», «Квінтэт», «Цацкі», «Слуцкія ткачыхі», «Сымон-музыка».

Ілюстравала кнігі: «На ўсіх адна бяда» П. Макаля, «Гронка рабіны» А. Паскрэбышава, «Рыбакова хата» Я. Коласа, «Цуды» Б. Ганкіна^[1].

Спадчына

Работы мастачкі знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, фондах БСМ, а таксама ў фондах Міністэрства культуры Расійскай Федэрацыі^[1].