Ірына Уладзіміраўна Яромкіна

Ірына Уладзіміраўна Яромкіна (дзявочае прозвішча — Паскробка^[1]; нар. 6 мая 1979) — беларуская артыстка балета, вядучая салістка Вялікага тэатра оперы і балета. Народная артыстка Беларусі (2019).

Ірына Уладзіміраўна Яромкіна
Дата нараджэння	6 мая 1979(1979-05-06) (46 гадоў)
Грамадзянства	СССР  Беларусь
Адукацыя	Беларуская дзяржаўная акадэмія музыкі (2015)
Прафесія	балерына
Узнагароды

Біяграфія

Скончыла Свіслацкую сярэднюю школу імя А. Р. Чарвякова^[1], затым — Беларускі дзяржаўны харэаграфічны каледж. З 1997 года працуе ў Нацыянальным акадэмічным Вялікім тэатры оперы і балета Рэспублікі Беларусь^[2]. Прайшла шлях ад артысткі кардэбалета да салісткі і вядучага майстра сцэны.

У 2015 годзе скончыла Беларускую дзяржаўную акадэмію музыкі па спецыяльнасці «Педагог-балетмайстар»^[3].

Сям’я

Мае сына Максіма (нар. 2000) ад першага шлюбу і двух дачок ад другога шлюбу з заслужаным артыстам Беларусі, вядучым салістам балетнай трупы Вялікага тэатра балета Беларусі Алегам Яромкіным (нар. 1985): Ксенію (нар. 2012) і Кацярыну (нар. 2015)^[3]. У 2017 годзе пасля 10 гадоў сумеснага жыцця пара расталася^[4].

Узнагароды

• Медаль Францыска Скарыны (2009)^[5];
• лаўрэат V рэспубліканскага конкурсу тэатральнага мастацтва «Нацыянальная тэатральная прэмія» (2018) — у намінацыі «Лепшая жаночая роля ў музычным спектаклі» (спектакль «Каханне і Смерць»);
• Народная артыстка Беларусі (2019)^[6];
• лаўрэат VI рэспубліканскага конкурсу тэатральнага мастацтва «Нацыянальная тэатральная прэмія» (2021) — у намінацыі «Лепшая жаночая роля ў музычным спектаклі» (спектакль «Ганна Карэніна»).