Іўянка

Іўянка, Іўнянка, Івенка (літ. Vija) — рака ў Іўеўскім раёне Гродзенскай вобласці, правы прыток Нёмана. Даўжыня 19 км^[1]. Плошча вадазбору 111 км². Сярэдні нахіл воднай паверхні 1,8 ‰ Пачынаецца каля вёскі Урцішкі, упадае ў Нёман за 1,2 км на поўдзень ад вёскі Збойск. Рэчышча на працягу 10,5 км каналізаванае ад горада Іўе да вусця. На паўночнай ускраіне горада Іўе створана сажалка (0,44 км²).

Іўянка
Характарыстыка
Даўжыня	19 км
Басейн	111 км²
Вадацёк
Выток
• Каардынаты	53°59′33″ пн. ш. 25°47′18,20″ у. д.HGЯO
Вусце	Нёман
• Каардынаты	53°51′48,70″ пн. ш. 25°45′09,80″ у. д.HGЯO
Ухіл ракі	1,8 м/км
Размяшчэнне
Водная сістэма	Нёман → Балтыйскае мора
Краіна	Беларусь
Рэгіён	Гродзенская вобласць
Раён	Іўеўскі раён
выток вусце
— выток, — вусце

Назва

Адпачатная форма назвы засведчаная ў асяроддзі літоўскамоўных аўтахтонаў —Vija^[2].

Звязана з літоўскім vyti «звіваць, скручваць»^[3]. Далей да індаеўрапейскага *ṷei- «згінаць, скручваць, віць»^[4]. Назва ракі Vija (> Іўянка) значыць «Звілістая (рака)».

Гідранімічны аналаг — назва прытока латвійскай Гаўі ракі Вія (Vija). Згодна з К. Бугам, паўночналатвійскія гідронімы Гаўя, Вія, Латупа ("Лата-рака") прынесеныя за Дзвіну падчас перасоўвання балцкіх плямёнаў з поўдня і адпавядаюць таксама нёманскім рачным назвам Гаўя(таксама "Звілістая"), Лотва ("Цякучая")^[5].

Народна-этымалагічныя версіі звязваюць назву з блр. іва «вярба»^[6].