Ігар Алегавіч Аўдзееў

У Вікіпедыі ёсць артыкулы пра іншых людзей з прозвішчам Аўдзееў.

Ігар Алегавіч Аўдзееў (нар. 29 верасня 1959(1959-09-29), Мінск) — беларускі кіназнавец, кінакрытык.

Ігар Алегавіч Аўдзееў
Дата нараджэння	29 верасня 1959(1959-09-29) (66 гадоў)
Месца нараджэння	Мінск, Беларуская ССР, СССР
Бацька	Алег Ціханавіч Аўдзееў
Маці	Ефрасіння Леанідаўна Бондарава
Род дзейнасці	кіназнавец, кінакрытык
Месца працы	Музей гісторыі беларускага кіно
Альма-матар	БДУ
Член у	Беларускі саюз кінематаграфістаў Беларускі саюз літаратурна-мастацкіх крытыкаў

Біяграфія

Скончыў Беларускі дзяржаўны ўніверсітэт ў 1981 годзе, аспірантуру Інстытута мастацтвазнаўства, этнаграфіі і фальклору імя Кандрата Крапівы НАН Беларусі ў 1987 годзе.

У 1986 годзе стажыраваўся ва Усесаюзным дзяржаўным інстытуце кінематаграфіі.

З’яўляецца лаўрэатам дзвюх прэмій Беларускага саюза кінематаграфістаў у 1996 і 2000 гадах, прэміі Гільдыі кінаведаў і кінакрытыкаў Саюза кінематаграфістаў Расіі ў 1999 годзе.

Працаваў у рэспубліканскай прэсе, аддзеле кіно і тэлебачання ІМЭФ.

Аўтар навуковай канцэпцыі стварэння і развіцця Музея гісторыі беларускага кіно. З’яўляўся кіраўніком Музея гісторыі Беларускага кіно.

Сфера навуковых інтарэсаў — сучасная практыка і тэндэнцыі развіцця экранных мастацтваў, праблема захавання і папулярызацыі кінаспадчыны.

Выбраныя публікацыі

• Усе беларускія фільмы: Ігравое кіно (1926—1970). Каталог-даведнік. Т. 1. Аўтары-складальнікі: І. Аўдзееў, Л. Зайцава) — Мінск,1996
• Хто прымусіць бегчы чарапаху, альбо Навошта нам патрэбны музей кіно? // На экранах. 1999., № 7.
• Гісторыя кінамастацтва Беларусі: у 4-х т. Т. 4 (у сааўт. з Л. Зайцавай, А. Карпілавай, Г. Шнур). — Мінск, 2004

Зноскі