Ефрасіння Леанідаўна Бондарава

У Вікіпедыі ёсць артыкулы пра іншых людзей з прозвішчам Бондарава.

Ефрасіння Леанідаўна Бондарава (25 лістапада 1922(1922-11-25), Гапонава^[d], Віцебская губерня — 30 чэрвеня 2011(2011-06-30), Мінск) — беларускі кінакрытык. Доктар філалагічных навук (1977), прафесар (1982).

Ефрасіння Леанідаўна Бондарава
Дата нараджэння	25 лістапада 1922(1922-11-25)
Месца нараджэння	Гапонава[d], Веляшковіцкая воласць[d], Віцебскі павет, Віцебская губерня, РСФСР
Дата смерці	30 чэрвеня 2011(2011-06-30) (88 гадоў)
Месца смерці	Мінск, Беларусь
Грамадзянства	Беларусь  СССР
Муж	Алег Ціханавіч Аўдзееў
Дзеці	Ігар Алегавіч Аўдзееў
Адукацыя	філалагічны факультэт БДУ
Месца працы	БДУ Міністэрства кінематаграфіі БССР Міністэрства культуры БССР Сцяг Перамогі
Прафесія	пісьменніца, кінакрытык, film theorist, кінасцэнарыст, выкладчыца ўніверсітэта, кіназнавец, крытык
Член у	Беларускі саюз літаратурна-мастацкіх крытыкаў Беларускі саюз кінематаграфістаў
Прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва (2002)
Узнагароды	За выдатныя поспехі ў працы[d]

Біяграфія

Нарадзілася 25 лістапада 1922 года ў в. Гапонава Віцебскага павета Віцебскай губерні (цяпер — Лёзненскі раён Віцебскай вобласці). Школьніцай пачала працаваць літаратурным супрацоўнікам раённай газеты «Ленінскі сцяг».

У 1949 годзе скончыла філалагічны факультэт Беларускага дзяржаўнага ўніверсітэта. У 1948—1950 гадах — рэдактар-кансультант Міністэрства кінематаграфіі БССР, у 1951—1961 гадах — галоўны рэдактар па вытворчасці фільмаў Міністэрства культуры БССР, адначасова з 1953 года да 2006 года — выкладчык БДУ.

Памерла 30 чэрвеня 2011 года ў Мінску.

Навуковая праца

Даследавала праблемы беларускага кінамастацтва і публіцыстыкі, выступала як кінакрытык. Аўтар сцэнарыяў шэрагу дакументальных фільмаў, спецыяльных выпускаў кінахронікі, творчых партрэтаў дзеячаў кіно. Даследаванні вызначаюцца грунтоўнасцю аналізу, публіцыстычнасцю формы. Аўтар твораў «Уладзімір Уладзіміравіч Корш-Саблін» (1960), «Нарыс на экране» (1969, разам з Л. Шылавай), «У кадры і за кадрам» (1973), «Час, экран, крытыка» (1975) і інш^[1].

Сям’я

• Муж — беларускі кінааператар, заслужаны дзеяч культуры Алег Ціханавіч Аўдзееў (1926—2025).
• Сын — беларускі кіназнавец, кінакрытык Ігар Алегавіч Аўдзееў (нар. 1959).

Узнагароды

• Ганаровая грамата Вярхоўнага Савета БССР (1977),
• Заслужаны дзеяч навукі Беларусі (1982),
• медаль «Ветэран працы»,
• ганаровы знак «За выдатныя поспехі ў працы» Міністэрства вышэйшай і сярэдняй спецыяльнай адукацыі СССР,
• ганаровы знак «Выдатнік кінематаграфіі СССР»,
• медаль «За выдатны ўклад у развіццё беларускага кінематографа»,
• прэмія Саюза журналістаў Рэспублікі Беларусь (1994),
• прэмія Саюза кінематаграфістаў Рэспублікі Беларусь (1999).

Зноскі

1. Бондарава Ефрасіння Леанідаўна