Іван Аляксандравіч Кірэйчык

Іван Аляксандравіч Кірэйчык (19 сакавіка 1935, в. Гута, Ганцавіцкі раён, Брэсцкая вобласць — 16 лютага 1996) — беларускі пісьменнік, паэт, журналіст.

Іван Аляксандравіч Кірэйчык
Асабістыя звесткі
Дата нараджэння	19 сакавіка 1935(1935-03-19)
Месца нараджэння	Гута, Лунінецкі павет, Палескае ваяводства, Польская Рэспубліка
Дата смерці	16 лютага 1996(1996-02-16) (60 гадоў)
Месца смерці	Гомель, Гомельская вобласць, Беларусь
Пахаванне	Гомель
Грамадзянства	СССР  Беларусь
Альма-матар	факультэт журналістыкі БДУ
Месца працы	Першы Нацыянальны канал Беларускага радыё Чырвоная змена Гомельская праўда
Прафесійная дзейнасць
Род дзейнасці	пісьменнік, журналіст, паэт

Біяграфія

Скончыў Гуцянскую сярэднюю школу, працаваў у калгасе, служыў на Балтыйскім флоце ВМФ СССР. З 1958 года літаратурны супрацоўнік, загадчык аддзела ганцавіцкай раённай газеты «Сялянская праўда». Скончыў завочнае аддзяленне факультэта журналістыкі БДУ. З 1963 года ўласны карэспандэнт Беларускага радыё і газеты «Чырвоная змена», працаваў у газеце «Гомельская праўда», на абласной студыі тэлебачання.

Творчасць

Літаратурную творчасць пачаў падчас службы ў арміі. Вершы, апавяданні і нарысы І. Кірэйчыка прасякнуты публіцыстычным, грамадзянскім пафасам, шчырасцю пачуццяў, дабрынёй, трывогай за родную зямлю.

Дэбютаваў вершамі ў газеце «Страж Балтыкі», а таксама ў калектыўным зборніку «Песня, рождённая морем». Аўтар кніг паэзіі «Аснова»^[1] (1977), «З маіх крыніц»^[2] (1994).

Найбольш плённа і ярка ўвасобіўся яго талент у публіцыстыцы. Цікавыя зместам, жывыя па форме нарысы і апавяданні склалі кнігі «Багацце душы — людзям», «Пялёсткавы бераг», «Каласам хіліцца долу», «Калінавая квецень». Многія празаічныя творы І. Кірэйчыка змяшчаліся ў калектыўных зборніках «Вернутае шчасце», «Люблю будзённы дзень». У літаратурным запісе І. Кірэйчыка выйшлі кнігі партызанаў Р. Лазабеева «Лясныя пабрацімы» і М. Качана «Апалены ранак».

Памяць

У сакавіку 2010 года ў вёсцы Гута на месцы, дзе знаходзіўся дом, у якім жыў Іван Аляксандравіч Кірэйчык усталяваны памятны знак Архівавана 19 верасня 2017..

На сайце ўстановы культуры «Ганцавіцкі раённы краязнаўчы музей» прадстаўлена фотавыстаўка «Іван Кірэйчык — паэт, пісьменнік, журналіст»^[3].

Зноскі

1. «Аснова»(недаступная спасылка)
2. «3 маіх крыніц»(недаступная спасылка)
3. «Іван Кірэйчык — паэт, пісьменнік, журналіст» (нявызн.)(недаступная спасылка). Архівавана з першакрыніцы 13 красавіка 2015. Праверана 18 чэрвеня 2015.