Іван Сцяпанавіч Курбека

Іван Сцяпанавіч Курбека (10 лістапада 1934, Серабрышча, Люшнеўская гміна, Слонімскі павет, цяпер Баранавіцкі раён, Брэсцкая вобласць — 1 красавіка 2009) — беларускі паэт, літаратуразнавец, музеязнавец.

Іван Сцяпанавіч Курбека
Асабістыя звесткі
Дата нараджэння	10 лістапада 1934(1934-11-10)
Месца нараджэння	Серабрышча, гміна Моўчадзь[d], Баранавіцкі павет, Навагрудскае ваяводства, Польская Рэспубліка
Дата смерці	1 красавіка 2009(2009-04-01)[1] (74 гады)
Пахаванне	Серабрышча
Грамадзянства	Беларусь
Альма-матар	філалагічны факультэт БДУ (1958)
Месца працы	Дзяржаўны літаратурны музей Янкі Купалы Дзяржаўны літаратурна-мемарыяльны музей Якуба Коласа
Прафесійная дзейнасць
Род дзейнасці	паэт, літаратуразнавец, музеязнавец
Грамадская дзейнасць
Член у	Саюз беларускіх пісьменнікаў

У Вікіпедыі ёсць артыкулы пра іншых людзей з прозвішчам Курбека.

Біяграфія

Нарадзіўся ў сялянскай сям’і. Пасля заканчэння Моўчадскай сярэдняй школы (1953) паступіў на аддзяленне беларускай мовы і літаратуры філалагічнага факультэта Беларускага дзяржаўнага ўніверсітэта, якое скончыў у 1958 годзе. З 1958 года працаваў навуковым супрацоўнікам Літаратурнага музея Янкі Купалы і з 1964 года навуковым супрацоўнікам, загадчыкам аддзела, старшым навуковым супрацоўнікам Літаратурнага музея Якуба Коласа (цяпер Дзяржаўны літаратурна-мемарыяльны музей Якуба Коласа). Літаратурную дзейнасць пачаў у 1958 годзе.

Член Саюза беларускіх пісьменнікаў з 1994 года.

Пахаваны на могілках в. Серабрышча^[2].