Серабрышча

Серабры́шча^[1] (трансліт.: Sierabryšča, руск.: Серебрище) — вёска ў Баранавіцкім раёне Брэсцкай вобласці. Уваходзіць у склад Палонкаўскага сельсавета. Размешчана за 32 км на паўночны захад ад Баранавіч, за 10 км ад чыгуначнай станцыі Міцкевічы на лініі Баранавічы—Ліда, каля р. Іса. Насельніцтва 74 жыхары (2010).

Вёска Серабрышча Краіна Беларусь Вобласць Брэсцкая Раён Баранавіцкі Сельсавет Палонкаўскі Каардынаты 53°15′37″ пн. ш. 25°38′39″ у. д.HGЯO Насельніцтва 74 чалавекі (2010) Часавы пояс UTC+3 Тэлефонны код +375 163 Аўтамабільны код 1 Серабрышча на карце Беларусі ±

Гісторыя

У пачатку XX ст. ў Люшнеўскай воласці Слонімскага павета Гродзенскай губерні.

З 1921 года ў складзе Польшчы, вёска Люшнеўскай гміны Слонімскага павета.

З 1939 года ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года акупіравана нямецка-фашысцкімі захопнікамі. На франтах вайны загінулі 24 вяскоўцы.

Да 1985 года ў складзе Перхавіцкага сельсавета^[2].

Інфраструктура

Працуе магазін.

Насельніцтва

• XX стагоддзе:
  • пачатак XX ст. — 450 жыхароў.
  • 1921 — 58 дамоў, 337 жыхароў.
  • 1959 — 415 жыхароў.
  • 1998 — 71 двор, 124 жыхары.
  • 1999 — 126 жыхароў.
• XXI стагоддзе:
  • 2005 — 119 жыхароў, 52 гаспадаркі.
  • 2010 — 74 жыхары.

Вядомыя асобы

• Іван Сцяпанавіч Курбека (1934—2009) — беларускі паэт і літаратуразнавец.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Решение исполнительного комитета Брестского областного Совета народных депутатов от 18 марта 1985 г. № 177 Об изменении в административно-территориальном делении Барановичского района