АДУНОК

Адунок — беларускі аўтаматызаваны дыстанцыйна-кіраваны наглядальна-агнявы комплекс распрацоўкі віцебскага (КБ) ААТ «Канструктарскае бюро „Дысплей“».

Аўтаматызаваны дыстанцыйна-кіраваны наглядальна-агнявы комплекс «Адунок»

Шматмэтавы плаваючы браніраваны аўтамабіль беларускай вытворчасці Віцім 4x4 з баявым модулем «Адунок»

Апісанне

Уяўляе сабой дыстанцыйна кіраваны модуль, абсталяваны камерамі шырокага і вузкага палёў зроку, цеплавізарам і лазерным далямерам. Агнявы складнік можа камплектавацца рознымі тыпамі ўзбраення. Уся сістэма змантавана на паваротнай платформе, якая забяспечвае кругавое назіранне і паразу мэтаў. Магчымы мантаж комплексу на рухомых аб’ектах^[1].

Комплекс прызначаны для дыстанцыйнага назірання і паразы лёгкабраніраваных мэтаў (у залежнасці ад камплектацыі) і жывой сілы праціўніка, аховы дзяржаўнай мяжы і іншых асабліва важных аб’ектаў. Прадугледжана магчымасць устаноўкі комплексу на браняваныя і іншыя рухомыя аб’екты, як сухапутныя, так і марскія.

У залежнасці ад задач, асноўным узбраеннем могуць служыць кулямёты ПКТ, НСВТ, «Корд» і станковы гранатамёт АГС-17^[2]. Дадаткова могуць быць устаноўлены супрацьтанкавыя гранатамёты РПГ-26 або РГШ-2. У цэлым, «Адунок» уяўляе сабой вузкаспецыялізаваны стралковы комплекс^[3]. Узбраенне ўсталёўваецца на стабілізаваную платформу, якая верціцца на 360°, максімальны вугал узвышэння — 60°^[4][5].

Блок назірання і цэлеўказання здольны выяўляць цэлі на далёкасці 2000 м з выкарыстаннем відэакамер і 100 м з выкарыстаннем цеплавізара. Рэалізавана аўтаматычнае суправаджэнне цэлі, якое падвышае верагоднасць паразы цэлі ў баі^[4].

Эксплуатанты

• Беларусь
• Інданезія^[6]

Зноскі

1. КБ «Дисплей», новые направления деятельности (рус.) // Вестник Авиации и космонавтики. — М., 2014. — № 1-2. — С. 26-29.
2. Пётр Рогожевский. Оборонный сектор экономики республики Беларусь // Военный парад : журнал. — 2009. — Март-апрель (№ 2 (92)). — С. 62, 63.
3. Боевые роботизированные комплексы: не вместо, а вместе
4. Christopher F Foss. Step-change in firepower [INDODEF16-D2] (нявызн.)(недаступная спасылка). Jane’s. Архівавана з першакрыніцы 4 лістапада 2016.
5. «АДУНОК-2В»: двойной огонь (нявызн.). Национальная оборона.
6. SIPRI: Кризисы стимулируют торговлю оружием в мире