Віцім (бронеаўтамабіль)

Віцім — беларускі шматмэтавы плавальны бронеаўтамабіль, распрацаваны і вырабляны кампаніяй «Мінатор-Сэрвіс»^[1]. Прадстаўлены 4-колавая і 6-колавая мадыфікацыі. Прызначаны для вядзення разведкі і суправаджэння калон, а пры ўсталёўцы дадатковага ўзбраення можа выкарыстоўвацца ў якасці штурмавой бронемашыны^[2].

Віцім
Краіна паходжання	Беларусь
Вытворца	Мінатор-Сэрвіс
Даўжыня	5 300 міліметр
Шырыня	2 400 міліметр
Вышыня	2 200 міліметр
Ride height	430 міліметр
Медыяфайлы на Вікісховішчы

«Віцім» (4-колавы варыянт) з дыстанцыйным агнявым комплексам «АДУНОК» на выставе Milex-2019.

6-колавы «Віцім» з дыстанцыйным лёгкім баявым модулем.

Гісторыя

Аўтамабіль быў распрацаваны ў ініцыятыўным парадку за кошт сродкаў прадпрыемства^[3]. Першы 4-колавы выраб быў прадстаўлены публіцы ў 2016 годзе на ваенна-тэхнічным форуме «Армія-2016»^[2].

Канструкцыя

Бронеаўтамабіль паўнапрывадны. Вага — 6 тон, грузападымальнасць — 1 тона^[2]. Рухавік ЯМЗ з турбанаддувам аб’ёмам 4,4 л магутнасцю 215 к. с. (158 кВт)^[3]. Механічная 5-ступеністая каробка перадач распрацавана на прадпрыемстве^[4]. Кіраванне аўтамабілем ажыццяўляецца праз лічбавыя сістэмы, але з аналагавым дубляваннем^[3].

Корпус аўтамабіля браніраваны і вытрымлівае трапленне кулі калібра 7,62 мм на дыстанцыі 10 метраў па перыметры, падрыў ручной гранаты ці выбуховага прыстасавання да 0,5 кг трацілу пад дном. Шкло таксама бранявана, у шынах выкарыстоўваецца сістэма падпампоўкі^[2][3].

Варыянты

Прадстаўлена таксама 6-колавая паўнапрывадная мадыфікацыя Віцім-668240 грузавога прызначэння (даўжыня 6440 мм, грузападымальнасць 3500 кг)^[5].

Зноскі

1. Многоцелевой плавающий бронированный автомобиль «Витим» (нявызн.)(недаступная спасылка). Архівавана з першакрыніцы 31 кастрычніка 2019. Праверана 24 мая 2020.
2. Показан новейший белорусский плавающий броневик Архівавана 26 верасня 2020.
3. Битва огромных военных внедорожников: «Витим» vs «Волат V1»
4. Бронегрузовик «Витим» 6х6: сделано в Беларуси
5. Многоцелевой грузовой бронированный автомобиль «Витим 668240» (нявызн.)(недаступная спасылка). Архівавана з першакрыніцы 31 кастрычніка 2019. Праверана 24 мая 2020.