АКСМ-221

АКСМ-221 — двухвосевы нізкападлогавы тралейбус. З’яўляецца сумеснай распрацоўкай ВА «Белкамунмаш» і прадпрыемства АМАЗ. МАЗ пастаўляў цалкам сабраны кузаў з шасі, а на «Белкамунмашы» ўсталёўвалі электраабсталяванне, уніфікаванае з мадэллю АКСМ-201. Першы АКСМ-221 выпушчаны ў сакавіку 2003 года.

АКСМ-221
Вырабнік	Белкамунмаш
Праект, г.	2002—2003
Выпуск, гг.	2003—2010
Макс. хуткасць, км/г	60
Салон
Колькасць дзвярэй	3
Формула дзвярэй	2-2-2
Рухавік
Вырабнік ЭА	Дынама

Тралейбус створаны на базе аўтобуса МАЗ-103, таму большасць вузлоў у тралейбуса і аўтобуса ўзаемазаменныя^[1]. Электраабсталяванне АКСМ-221 уніфікавана з АКСМ-201. Мадэль мае тырыстарна-імпульсную сістэму кіравання цягавым электрарухавіком. Маецца інфармацыйнае табло і моўны аўтаінфарматар^[1].

У 2003—2004 гадах былі выраблены 43 тралейбусы. У 2010 годзе вытворчасць мадэлі была адноўленая. Усе тралейбусы выкарыстоўваюцца ў Мінску^[2].

Зноскі

1. БелКоммунМаш :: Продукция :: Троллейбус модели 221 Архівавана 1 жніўня 2013. (руск.)
2. Троллейбус АКСМ-221 Архівавана 11 мая 2009. bytrans.net (руск.)